Ի՞նչ իրավիճակ է ձվի շուկայում և ի՞նչ կանխատեսումներ կան
ArmLur.am-ը գրում է․ «Շիրակ» թռչնաֆաբրիկան, որը տեւական ժամանակ ինքնարժեքից էժան ձու էր հանել վաճառքի, այժմ այն թանկացրել է: Այս ընկերության առաջարկած 30 դրամանոց ձուն այժմ վաճառվում է ավելի քան 60-65 դրամով:
Տեղեկացնենք, որ Հայաստանում հավկիթի արտադրությամբ զբաղվող փոքր եւ միջին տնտեսվարողները չէին կարողացել իրենց հավկիթը վաճառել, որովհետեւ շուկայում վաճառվում էր ինքնարժեքից էժան ձու:
ArmLur.am-ը «Շիրակ» թռչնաֆաբրիկայի տնօրեն Մանասե Եփրեմյանից հետաքրքրվեց, թե ինչու է ընկերությունն ձուն վաճառել ինքնարժեքից ցածր: Մեր հարցին ի պատասխան՝ ընկերության ներկայացուցիչը հղում արեց ՀՀ Մայր օրենքին՝ Սահմանադրությանը:
Մեր զրուցակցին փոխանցեցինք, որ «Լուսակերտ» թռչնաֆաբրիկան վերջերս հայտարարեց, որ չի դիմանում մրցակցությանը եւ փակվում է: Ավելին, «Լուսակերտ»-ը իր գործունեությունը դադարեցնելու մեջ մեղադրեց «Շիրակ»-ին: Բայց արի ու տես, որ «Շիրակ» թռչնաֆաբրիկայի ներկայացուցիչը դա «Լուսակերտ»-ի կողմից համարեց գովազդային քայլ:
Այնուամենայնիվ, «Շիրակ» թռչնաֆաբրիկան ձուն ինքնարժեքից էժան վաճառելու մեջ սարսափելի ոչինչ չի տեսնում: Ընկերությանը «օգնության է հասել» Մրցակցության պաշտպանության հանձնաժողովի նախագ Գեղամ Գեւորգյանի պարզաբանումը:
Կհիշեք՝ այս կառույցի ղեկավար Գեղամ Գեւորգյանը խիստ անտարբեր էր, երբ ձու արտադրող փոքր, միջին ձեռնարկատերերը դժգոհում էին «Շիրակ»-ի սահմանած ձվի ցածր գնից, նրանք տեւական ժամանակ բողոքում էին, որ վնասներ են կրում:
Անգամ բողոքով Հանձնաժաողով դիմել էր «Աշտարակ ձու»-ն: Իսկ ինչ արեց Մրցակցության պաշտպանության հանձնաժողովը տնտեսվարողների ձայնը լսելի դարձնելու համար: Ոչինչ: Հանձնաժողովի ղեկավար Գեղամ Գեւորգյանն ընդամենը հայտարարեց, որ շուկայում «Շիրակ»-ի ունեցած մասնաբաժինը չի հասնում 10 տոկոսի։
Հետևաբար, ընկերությունը, շուկայում չունենալով գերիշխող դիրք, չէր կարող մրցակցության օրենսդրություն խախտել և դեմպինգ իրականացնել: Գեղամ Գեւորգյանի այս պարզաբանումն անգիր արած աշակերտի պես կրկնում են նաեւ «Շիրակ» թռչնաֆաբրիկայի ներկայացուցիչը:
Այնուամենայնիվ, նկատենք, որ շատերի մոտ ակնհայտորեն տպավորություն է, որ բոլոր պետական կառույցներն աջակցում են «Շիրակ»-ին: Նշենք, որ «Շիրակ» թռչնաֆաբրիկան պատկանում է Նարեկ Նալբանդյանին, որը «փակովի» տարբերակով գնեց Ծաղկաձորի «Գոլդեն Փելիս» հյուրանոցային համալիրը 5 մլրդ դրամով եւ Հովիկ Աբրահամյանի՝ Մոնումենտի թանկարժեք դղյակը:
Մանրամասները՝ ArmLur.am-ի տեսանյութում
Հուսով եմ` տիկինը կհերքի Քաջարանի կոմբինատի բեռնափոխադրման մոնոպոլիստը լինելու ասեկոսեն․ Դանիելյան
Փաշինյանի ձեռամբ ադրբեջանցի հատուկ ջոկատայինները գալու են ու «խաղաղ» տեղավորվեն ՀՀ-ում. ադրբեջանագետ
Մահացել է անվանի բժիշկ Արտավազդ Սահակյանը
Ուզել են Արշակ Սրբազանի գրպանը բան գցեն, հիշել են՝ սքեմը գրպան չունի. Հայկ Մամիջանյան
Իշխանությունը քահանա է փնտրում. ինչ է կատարվում Գյումրիում. «Ժողովուրդ»
Արշակ սրբազանին վերաբերող ճեպազրույցում անզգույշ մի արտահայտություն եմ արել․ փաստաբան
Ռուբլին թանկացել է․ փոխարժեքն՝ այսօր
Գերագույն գլխավոր տգետը չգիտի անգամ, որ Հայ Առաքելական Եկեղեցին հիմնադրել են Թադեոս և Բարդուղիմեոս ա...
Ինչո՞ւ «նետերն» ուղղվեցին հենց «կռիվը բաժանողի» վրա. «Փաստ»
Արման Թաթոյանը առաջարկ է ներկայացրել Ալիևին (տեսանյութ)