Էդ Շիրանը հաղթել է գրագողության վերաբերյալ դատական գործը

Լոնդոնի բարձրագույն դատարանը վճռել է, որ երգիչ Էդ Շիրանը չի կրկնօրինակել Սեմ Չոկրիի (առավել հայտնի է որպես Sami Switch) «Oh Why» կոմպոզիցիան, հայտնում է Variety-ն։

«Պարզապես ցանկանում եմ ասել, որ ես կորպորացիա չեմ։ Ես մարդ եմ, հայր, ամուսն, որդի։ Դատական քննությունները շատ տհաճ են։ Հույս ունեմ՝ այս վճռից հետո մենզ կհաջողվի խուսափել անհիմն մեղադրանքներից։ Սա, իսկապես, պետք է ավարտվի»,- իր տեսաուղերձում հայտարարել է Շիրանը։

Լոնդոնի բարձրագույն դատարան հայց էին ներկայացրել Սամի Չոկրին եւ Ռոս Օ՛Դոնոհյուն։ Կոմպոզիտորները պնդում են, որ Էդ Շիրանը 2017թ․-ին գողացել է 2015թ․-ի իրենց «Oh Why» երգի կրկներգի մի մասն իր «Shape of You» երգի համար։ Փաստաբաններն ընդգծում են, որ պատասխանողն առաջին անգամ չէ անքաղաքավարի վերաբերվում անհայտ հեղինակների հետ։ Reuters-ի հաղորդմամբ՝ 2017թ․-ին «Shape of You» երաժշտական կոմպոզիցիան դարձել է ամենավաճառվողը թվային տիրույթում եւ YouTube-ում ավելի քան 5,6 միլիարդ դիտում հավաքել։