Անվտանգության փոխարեն նախապատվությունը տրվում է վառ գունավորումով, քաղաքական շողոքորթության տարրերով և ճոխացված երազանքային «հեռանկարներով» ներկայացվող նախագծերին․ Վիկտոր Մնացականյան

Երևանի մետրոպոլիտենի կայարաններից մեկում պատի թեկուզ մասնակի փլուզումը ևս մի լուրջ ահազանգ է, թե մայրաքաղաքում ինչպիսի «ուշադրություն» է դարձվում որակյալ և անվտանգ շինարարությանը: Սա նաև լուրջ առիթ է մտածելու, թե ինչպիսի՞ «գրագիտությամբ» ու դրդապատճառներով են ընդունվել մասնավորապես քաղաքի #ԿենտրոնըԽեղդելուն վերաբերող որոշումները:

 

Գոյություն ունեցող ենթակառուցվածքներն առնվազն խորքային բարեփոխումների կարիք ունեն, այնպես, ինչպես քաղաքի ճակատագիրը ժամանակավորապես տնօրինողների առնվազն հոգեբանությունը...

Մինչդեռ, ինչպես տեսնում ենք, անվտանգության փոխարեն նախապատվությունը տրվում է վառ գունավորումով, քաղաքական շողոքորթության տարրերով և ճոխացված երազանքային «հեռանկարներով» ներկայացվող նախագծերին:

 

Այս ֆոնին դժվար է պատկերացնել, թե ինչպիսին է լինելու մետրոպոլիտենի նոր կայարանի կառուցման խոստումների և իրականության հարաբերությունը, երբ եղած կայարաննների հանդեպ քաղաքային իշխանության կողմից նմանօրինակ «հոգատար» վերաբերմունք կա:

Անցած օրը ալրաղացի քանդելու արդյունքում վտանգվել էր մի կայարան, այսօր մյուսի պատն է փլվում, վաղը... Եւ այդ ամենը՝ համապատասխան թույլտվության պայմաններում:

 

Ինչքա՞ն կարելի է Երևանի և #Երևանցու կյանքի ու Անվտանգության հաշվին առաջ մղել ձեր «բիզնեսկոմպանյոնների» շահերը...

 

#թափանցիկություն #ՀանրայինԳերակաԿոռուպցիա