«Տաշիր» ընկերությունների խումբը շարունակում է իրականացնել Հրազդանի ՋԷԿ-ի կառուցման ծրագիրը

«Տաշիր» ընկերությունների խումբը  շարունակում է իրականացնել Հայաստանի էներգետիկ ենթակառուցվածքների ընդլայնման ծրագրերը և վարկային համաձայնագիր է ստորագրել Եվրասիական զարգացման բանկի (ԵԱԶԲ) հետ՝ ֆինանսավորելու Հրազդանի ՋԷԿ-ի նոր էներգաբլոկի կառուցումը։ Նոր կայանի կառուցման համար ԵԱԶԲ-ն կհատկացնի 26 մլն ԱՄՆ դոլար։

Էներգաբլոկի հզորությունը կկազմի 50 ՄՎտ, ինչը հնարավորություն կտա տարեկան մոտ 400 մլն կՎտ/ժ էլեկտրաէներգիա արտադրել։ Շինարարության համար օգտագործվելու են միջազգային բնապահպանական չափանիշներին համապատասխան բարձր արդյունավետությամբ ժամանակակից սարքավորումներ, ինչը կնպաստի շրջակա միջավայրի պահպանությանը։

Ծրագրի շրջանակում արտադրված էլեկտրաէներգիան նախատեսվում է  ինչպես Հայաստանի ազատ և մրցունակ՝ էլեկտրաէներգիայի շուկայում սպառման, այնպես էլ արտահանման համար: Ծրագրի իրականացումը կխթանի Հայաստանում էլեկտրաէներգիայի արտադրության դիվերսիֆիկացիան և կբարձրացնի դրա արդյունավետությունը: Կայանը նախատեսվում է շահագործման հանձնել 2024 թ. կեսերին։

Սա էներգետիկ անվտանգության բարելավման ոլորտում երկրորդ ծրագիրն է, որը «Տաշիր» ընկերությունների խմբի հետ համատեղ՝ ԵԱԶԲ-ն իրականացնում է Հայաստանում։ 2022 թ. օգոստոսին համաձայնություն է ձեռք բերվել Բանկի կողմից ենթակառուցվածքների արդիականացման և հաշվառման սարքերի արտադրության ֆինանսավորման վերաբերյալ, որը հանրապետությունում կառավարման միջազգային ստանդարտների և ավտոմատացված հաշվառման համակարգերի ներդրման ծրագրի մասն է կազմում։ Այդ նպատակների համար ԵԱԶԲ-ն վարկային համաձայնագրի շրջանակում կհատկացնի 30 մլն ԱՄՆ դոլար։

Հիշեցնենք, որ այս տարվա մարտին «Տաշիր» ընկերությունների խումբը հայտարարել էր Հայաստանի Նոյեմբերյան քաղաքի մոտ նոր ՋԷԿ-ի կառուցման մասին։ 126 ՄՎտ հզորությամբ նոր էլեկտրակայանը էլեկտրաէներգիա է արտադրելու ինչպես Հայաստանի կարիքները հոգալու, այնպես էլ Վրաստան արտահանելու համար։

ՏԵՂԵԿԱՏՎՈՒԹՅԱՆ ՀԱՄԱՐ

Եվրասիական զարգացման բանկը (ԵԱԶԲ) միջազգային ֆինանսական կազմակերպություն է, որը ներդրումային գործունեություն է իրականացնում եվրասիական տարածքում։ Ավելի քան 17 տարի ԵԶԲ-ն օգնում է ամրապնդել և ընդլայնել իր անդամ երկրների՝ Հայաստանի, Բելառուսի, Ղազախստանի, Ղրղզստանի, Ռուսաստանի և Տաջիկստանի տնտեսական կապերը և օժանդակել նրանց համապարփակ զարգացմանը: ԵԱԶԲ-ի կանոնադրական կապիտալը կազմում է 7 մլրդ ԱՄՆ դոլար։ ԵԱԶԲ-ի վարկային պորտֆելի հիմնական մասնաբաժինն ուղղված է տրանսպորտային ենթակառուցվածքների, թվային համակարգերի, կանաչ էներգիայի, գյուղատնտեսության, արդյունաբերության և մեքենաշինության ոլորտներում ինտեգրացնող ազդեցություն  ունեցող ծրագրերը:  Բանկն իր գործունեության ընթացքում առաջնորդվում է ՄԱԿ-ի Կայուն զարգացման նպատակներով և բնապահպանական, սոցիալական և կորպորատիվ կառավարման  (ESG) սկզբունքներով:

«Տաշիր» ընկերությունների խումբ

«Տաշիր»-ը Ռուսաստանի ամենամեծ դիվերսիֆիկացված արդյունաբերական և շինարարական խումբն է, որը կազմված է Ռուսաստանի տնտեսության տարբեր ոլորտներում գործող՝  գրեթե 200 ընկերություններից և ձեռնարկություններից: Իր հիմնադրումից ի վեր՝ 1999 թվականին և ավելի քան 20 տարի շարունակ, Ռուսաստանի շինարարության և կառուցապատման շուկայում «Տաշիր»-ն անշեղորեն ավելացնում է իր ակտիվները՝ միաժամանակ հաջողությամբ ընդլայնելով իր բիզնեսը ֆինանսական և էներգետիկայի, արդյունաբերության, մանրածախ առևտրի և ռեստորանային բիզնեսի, զվարճանքի և այլ ոլորտներում: Խումբն ընդգրկված է Ռուսաստանի հարյուր խոշորագույն մասնավոր ընկերությունների ցանկում։ Աշխատակիցների ընդհանուր թիվը գերազանցում է 45 հազարը։ Գործունեության աշխարհագրությունն ընդգրկում է Ռուսաստանի և հարակից երկրների 51 քաղաքներ։ Ընկերության հիմնադիրն ու նախագահը Սամվել Կարապետյանն է։ Գլխամասային գրասենյակը գտնվում է Մոսկվայում։

Ինչպես դիմել մեզ՝

Լրացուցիչ տեղեկությունների համար կարող եք կապ հաստատել Տաշիր ընկերությունների խմբի կորպորատիվ հաղորդակցության բաժնի հետ:

Հեռախոս ՝ +7 495 989 28 32| էլ-փոստ՝ [email protected]        

Մոսկվա | Podkolokolny per., 13/5