Անոմալ շոգ չի լինի․ ինչպիսի ամառ է սպասվում Հայաստանում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ամառը Հայաստանում այս տարի անոմալ շոգ չի լինի, օդի առավելագույն ջերմաստիճանը կլինի +38 աստիճան: Այս մասին Sputnik Արմենիային տված հարցազրույցում ասել է Հիդրոօդերևութաբանության և մոնիթորինգի կենտրոնի փոխտնօրեն Գագիկ Սուրենյանը ։

«Հայաստանում օդի առավելագույն ջերմաստիճանն այս ամռանը կկազմի +38 աստիճան ։ Շոգ եղանակը կզգացվի Երևանի ցածրադիր հատվածներում, Արարատյան դաշտում, ինչպես նաև Սյունիքի հովիտներում», - ասաց Սուրենյանը ։

Հանրապետությունում համապատասխան ջերմաստիճանային ֆոն կհաստատվի արդեն առաջիկա օրերին։ Օդերեւութաբանի խոսքով ՝ այն նորմայի սահմաններում կլինի։ Հուլիսի 19-ից օդի ջերմաստիճանը կսկսի բարձրանալ և արդեն հուլիսի 20-ին և 21-ին կհասնի +38 աստիճանի:

Սուրենյանը նշեց, որ Հայաստանում համեմատաբար "զով" ամառը պայմանավորված է այս տարվա եղանակային-կլիմայական առանձնահատկություններով:

Օդերեւութաբանը պարզաբանեց, որ սովորաբար ամռանը Հայաստանում գերակշռում են հարավից Հանրապետության տարածք ներթափանցող տաք օդային հոսանքները ։ Սակայն կան բացառություններ, ինչպես 2009 թվականին։ Այսպես, այս տարի գերակշռում են համեմատաբար ցուրտ օդային հոսանքները Սև ծովից ։

Ինչ վերաբերում է երեկոյան ժամերին քամու ուժգնացմանը, Սուրենյանը դա բացատրեց լեռներից դեպի հովիտներ օդային հոսանքների շրջանառությամբ։

Օդերևութաբանը հատկապես շոգ օրերին քաղաքացիներին խորհուրդ է տալիս խուսափել կիզիչ արևից Գեղարքունիքի, Վայոց Ձորի, Շիրակի, Կոտայքի լեռնային շրջաններում (Ծաղկաձոր, Հանքավան, Չարենցավան):