Ալբանիայում կպարզեցվի ֆերմաներում արևային էլեկտրակայանների տեղադրումը

Albania-news.ru-ն գրում է, որ Ալբանիայի խորհրդարանի անդամներն աշխատում են օրինագծի վրա, որը սահմանում է գյուղատնտեսական նշանակության հողերի դասերը, որոնց վրա թույլատրվում է տեղադրել արևային էլեկտրակայաններ շարունակելով սննդամթերք արտադրել։

Բալկաններում արևային էներգետիկան արագ զարգանում է: Թեև արևային էներգիան ընդհանուր առմամբ համարվում է ամենականաչ տարբերակներից մեկը, կան արևային էներգիայի հետ կապված էթիկական և տնտեսական խնդիրներ, որոնք պետք է լուծվեն, երբ խոսքը վերաբերում է վերգետնյա (ոչ թե, օրինակ տանիքի) արևային վահանակներին:

Քննադատները մատնանշում են դեպքեր, երբ կենդանիների և բույսերի միջավայրերը վտանգվում են արևային էլեկտրակայաններից, բացի դա շատերը դեմ են արևային մարտկոցների տեղակայման համար վարելահողերի օգտագործմանը: Եվ Ալբանիայի խորհրդարանի համապատասխան հանձնաժողովը սկսել է քննարկել այդ հարցերը կարգավորող օրինագիծը։

Ֆերմերները և բնապահպանները բախվում են քամու էներգիայի նմանատիպ մարտահրավերներին: Կան նաև անտառների, պահպանվող տարածքների և ջրային օբյեկտների հետ կապված խնդիրներ։ Մասնավորապես, հակասությունների տեղիք են տալիս լողացող արևային ֆերմաները, որոնցից մեկը վերջերս շահագործման է հանձնվել Ալբանիայում։ Մյուս կողմից, ածուխի և մազութի վրա աշխատող էլեկտրակայանները շատ ավելի բացասական ազդեցություն են ունենում մարդկանց առողջության և բնության վրա։

Գյուղատնտեսական հողերի վրա վերգետնյա պանելների մասին վեճերը թեժանում են, իսկ տանիքների ներուժը գրեթե չի օգտագործվում: Մինչ որոշ երկրներում գյուղատնտեսական հողատարածքները ծածկված են վերգետնյա պանելներով, պանելների տեղադրումը տանիքին քննադատվում է գեղագիտական ​​և պահպանման դժվարությունների պատճառով:

Սակայն փորձագետները ուշադրություն են հրավիրում բնակելի տարածքներից հեռու շատ հարմար վայրերի առկայության վրա։ Օրինակ մայրուղիների ու երկաթուղիների հարակից տարածքները։ Մեկ այլ օրինակ է ավտոկայանատեղերի վրա արևային հովանոցների կառուցումը:

Ընդգծվում է նաև, որ ճկուն արևային մարտկոցները կարող են օգտագործվել կոր մակերեսների վրա։ Արևային բջիջների համակարգեր են առաջանում, որոնք կարող են օգտագործվել որպես ջերմոցների պատուհաններ և ծածկոցներ:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]