Երևանի նոր դեմարշը ՀԱՊԿ-ի դեմ
Բելառուսի մայրաքաղաք Մինսկում երկու օրից հրավիրվելու է ՀԱՊԿ գագաթնաժողովը, և երեկ քննարկել են գագաթնաժողովի նախապատրաստական աշխատանքները։ Բելառուսի նախագահ Ալեքսանդր Լուկաշենկոյի հետ հանդիպմանը ՀԱՊԿ գլխավոր քարտուղար Իմանգալի Տասմագամբետովը հայտնել է, թե պաշտոնական Երևանը խնդրել է ՀԱՊԿ առաջիկա գագաթնաժողովի օրակարգից հանել Հայաստանին օգնություն ցուցաբերելու հարցը։
Դեռևս անցած տարվա նոյեմբերին Երևանում կայացած նիստում Հայաստանը հրաժարվեց ստորագրել եզրափակիչ արձանագրությունը՝ նշելով, թե ՀԱՊԿ-ը քաղաքական գնահատական չի տալիս Ադրբեջանի ներխուժմանը Հայաստանի տարածք։ Խորհրդի նիստում ընդունված 34 որոշումներից, ըստ Տասմագամբետովի, կյանքի չեն կոչվել միայն երկուսը, դրանցից մեկը ՀԱՊԿ անվտանգության խորհրդի Հայաստանին տրամադրվող օժանդակության մասին որոշման վերախմբագրումն էր, ու, չնայած ՀԱՊԿ-ը խմբագրումներ է իրականացրել, սակայն հայկական կողմը որևէ հետաքրքրություն այդ փաստաթղթի հանդեպ չի ցուցաբերել, ավելին տարվող աշխատանքների ավարտական փուլում ընդհանրապես խնդրել են այն հանել օրակարգից։ Եվ նույն այդ օրը, երբ ՀԱՊԿ գլխավոր քարտուղարը հայտնում է այս տեղեկությունը, հայտնի է դառնում, որ Երևանում արտգործնախարարությունում ստորագրվել է ԵՄ դիտորդական առաքելությանը հատուկ կարգավիճակ տրամադրելու արձանագրությունը։
Ամենևին էլ պատահաբար չէր ընտրված օրը, և սրանով պաշտոնական Երևանը Ռուսաստանին և ՀԱՊԿ գծով մյուս դաշնակիցներին պարզապես ակնարկում է, որ այլևս որևէ կերպ ցանկություն չունի հարաբերվել ՀԱՊԿ-ի հետ։ ՀԱՊԿ հեղինակությանը Երևանի կողմից հասցված հարվածը, իհարկե, չափազանց ուժգին է և անհնար է, որ ՀԱՊԿ-ը չպատասխանի Երևանի այս քայլին, իսկ ինչ մնում է Հայաստանի գործող վարչախմբին, ապա նրանք շարունակում են իրենց հակառուսական քաղաքականությունն անշեղորեն իրականացնել և օրեցօր ավելի լուրջ խնդիրներ հարուցել, թե՛ ՀԱՊԿ-ի համար և թե՛, նաև Հայաստանի Հանրապետության համար։
Արեն Սարգսյան
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
Իշխանությունների թիրախում են ակտիվ արցախցիները. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր