Ձևավորվել է «Համաշխարհային երիտասարդական փառատոն 2024»-ի Հայաստանի նախապատրաստական կոմիտեն

Նոյեմբերի 24-ին տեղի է ունեցել «Համաշխարհային երիտասարդական փառատոն 2024»-ի նախապատրաստական աշխատանքները Հայաստանում համակարգված կազմակերպելուն նվիրված ժողով: Ժողովին մասնակցել են 15 հասարակական կազմակերպությունների ներկայացուցիչներ: Ժողովի ընթացքում որոշվել է հռչակել «Համաշխարհային երիտասարդական փառատոն 2024»-ի Հայաստանի նախապատրաստական կոմիտե, որի կազմում ներառվել են մասնակից կազմակերպությունների ներկայացուցիչները:

«Համաշխարհային երիտասարդական փառատոն 2024»-ին Հայաստանը ներկայացնելու ցանկություն են հայտնելել մի շարք ստեղծագործական միությունների, երիտասարդական և ուսանողական կազմակերպությունների, Հայաստանում ապրող ազգային փոքրամասնությունների, մշակութային կոլեկտիվների ներկայայացուցիչներ:

«Համաշխարհային երիտասարդական փառատոն 2024»--ի Հայաստանի նախապատրաստական կոմիտեի նախագահ է ընտրվել «Արարատյան ալյանս» ինստիտուտի համակարգող Ավետ Ադոնցը:

Հայաստանի նախապատրաստական կոմիտեի ձևավորման վերաբերյալ արձանագրությունը ներկայացվել է «Համաշխարհային երիտասարդական փառատոն 2024»-ի կազմակերպչական կոմիտեի ղեկավարությանը:

«Համաշխարհային երիտասարդական փառատոն 2024»-ը տեղի է ունենալու 2024-թ. մարտի 1-7-ը, Ռուսաստանի Դաշնության Սոչի քաղաքում: