Քննիչ հանձնաժողովի եզրափակիչ ակորդը. Սամվել Բաբայանի կերպարանափոխությունը
44-օրյա պատերազմի հանգամանքները քննող հանձանաժողովն առաջիկա օրերին կավարտի իր աշխատանքները և այլևս կաշխատի ամփոփիչ զեկույցի վրա։ Երեկ հանձնաժողովում «հարցաքննել» են Արցախի պաշտպանության բանակի նախկին հրամանատար Սամվել Բաբայանին և լրագրողների հետ ճեպազրույցն ու Սամվել Բաբայանի հայտարարությունները փաստում են, որ ի սկզբանե հանձնաժողովը ձևավորվել և աշխատել է ընդամենը մեկ նպատակի՝ Նիկոլ Փաշինյանի դեմքն ամեն գնով պարզաջրելու համար։
Սամվել Բաբայանը հայտարարել է, թե 44-օրյա պատերազմի ժամանակ Նիկոլ Փաշինյանի մեղավորությունը ոչ ճիշտ կադրային քաղաքականությունն է եղել, երկրորդ խնդիրն էլ այն է, որ հավատացել է մարդկանց։ Մասնավորապես Սամվել Բաբայանը մեղադրանքի սլաքներն ուղղել է զինվորականության վրա, նշել, թե ղեկավարների մի մասը բավարար պատրաստություն չի ունեցել, սակայն Փաշինյանը վստահել և նշանակել է։
Նույն Սամվել Բաբայանը 44-օրյա պատերազմից հետո ցուցմունք էր տվել Արցախի դատախազությանը և բառացի հայտարարել. «Նոյեմբերի 9-ի երեկոյան ես տեղեկացել եմ, որ Փաշինյանը պատրաստվում է ստորագրել հայտնի հայտարարությունը և այն կանխելու համար գնացել ենք ՀՀ կառավարություն, բայց արդեն ուշ էր, ինձ չի հաջողվել հանդիպել Փաշինյանին, ես Փաշինյանի այդ քայլը համարում եմ դավաճանություն։ Պատերազմի ընթացքում Արայիկ Հարությունյանի հետ պարբերաբար քննարկել ենք պատերազմի ընթացքն ու համոզվել, որ պաշտպանության բանակն ի վիճակի չի եղել դիմակայել հարձակմանը։ Արայիկ Հարությունյանը ցանկանում էր, որ օր առաջ ռազմական գործողությունները դադարեցվեն, սակայն գիտակցում էր , որ դա իրենից կախված չէ»,- ասել է Սամվել Բաբայանը։
Ըստ էության նրա այս հայտարարությունը հերթական անգամ վկայում է, որ գործ ունենք սեփական սկզբունքներն ամենաանամոթ կերպով վաճառքի հանելու հետ։ Նույն Բաբայանը, որ Փաշինյանին դավաճան էր համարում, այսօր ընդամենը մեղավոր է համարում ոչ ճիշտ կադրային քաղաքականության համար։ Հենց դա էլ, թերևս, Փաշինյանի ամենամեծ ցանկությունն է՝ իրեն դնել գժի տեղ և պնդել, որ ինքը ոչնչում մեղավոր չէ, իսկ մեղավորը հենց զինվորականությունն է։
Ցավալիորեն գեներալ-լեյտենանտ Սամվել Բաբայանն աջակցում է նման դավաճանական քայլին։
Նաիրա Սարատիկյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Վաշինգտոնը Եվրոպայից կպահանջի վերադարձնել Ուկրաինային ռազմական օգնության համար տրամադրված գումարները
Արցախի հարցը չսպիացող վերք է. սոցիալական նպաստները չեն կարող փակել պատմական ու իրավական բաց վերքը. «...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
Արդարադատություն պատգարակի վրա. երբ պետական ապարատը վերածվում է անհոգի վրեժխնդրության գործիքի. «Փաստ...
«Ուրարտու» ֆուտբոլային ակումբը դատական գործընթացին ներգրավվում է որպես երրորդ կողմ․ հայտարարություն
«ՀայաՔվեն» Արցախի էջը փակված չի համարում. Արեգ Սավգուլյան