ՌԴ ՄԻՊ-ի մարդասիրական օգնությունը տրամադրվեց Արցախից բռնի տեղահանված ընտանիքներին
Ինչպես արդեն տեղեկացրել էինք, ՌԴ մարդու իրավունքների պաշտպան Տատյանա Մոսկալկովայի «Սրտից՝ սրտին» ակցիայի շրջանակներում հավաքվել և Հայաստան է ուղարկվել 6 տոննա մարդասիրական օգնություն՝ Արցախից բռնի տեղահանված ընտանիքների կարիքների համար: Օգնությունը կազմակերպվել է Ռուսաստանի հայերի միության նախագահ Արա Աբրահամյանի առաջարկով: Հայաստանում մարդասիրական բեռը ընդունել է Արա Աբրահամյանի հիմնած «Արշավիր և Պայծառ Աբրահամյան» բարեգործական հիմնադրամը:
Մարդասիրական օգնության շրջանակներում Արցախից բռնի տեղահանված ընտանիքներին տրամադրվել են կենցաղային էլեկտրական սարքեր, ծալովի մահճակալներ, անկողնային և մանկական հիգիենայի պարագաներ, մեծահասակների և մանկական տաք հագուստ, սննդամթերք և առաջին անհրաժեշտության այլ ապրանքներ:
Կարիքավոր ընտանիքներին օգնության տրամադրումը կազմակերպվել է Ռուսաստանի հայերի միության հայաստանյան գրասենյակի, Հայաստանում «Ռոսսոտրուդնիչեստվո» կազմակերպության ներկայացուցչության և Մասիս խոշորացված համայնքի աշխատակիցների միջոցով:
Տեղում կարիքների գնահատման և օգնության տրամադրմանը մասնակցելու համար Հայաստանում էին գտնվում ՌԴ ՄԻՊ գրասենյակի ներկայացուցիչները:
«Մենք շատ ուրախ ենք, որ ակցիան կայացավ… Հատուկ երախտագիտության խոսքեր եմ ցանկանում ասել Ռուսաստանի հայերի միության նախագահ Արա Աբրահամյանին՝ ծանր իրավիճակում հայտնված մարդկանց նկատմամբ զգայուն և սրտացավ վերաբերմունքի համար»,- իր տելեգրամյան ալիքում գրել է ՌԴ Մարդու իրավունքների պաշտպան Տատյանա Մոսկալկովան:
Հիշեցնենք, որ արցախցիներին ուղղված մարդասիրական օգնությունը հավաքվել էր Ռուսաստանի հայերի միության առաջարկությամբ, «Պլանետա», «Վերածնունդ և հույս» ռուսաստանյան հիմնադրամների ինչպես նաև Ռուսաստանի Ազգային ճակատի աջակցությամբ:
«Հրապարակ». Հավաքին մասնակցելու համար ազատել են պաշտոնից
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
Իշխանությունների թիրախում են ակտիվ արցախցիները. «Հրապարակ»
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն