Ինչպես տարբերել ֆինանսական բուրգերը
Վերջին ամիսներին Հայաստանում ֆինանսական զեղծարարությունների ակտիվացմանը զուգահեռ ի հայտ են եկել և սոցիալական ցանցերով ակտիվորեն գովազդվում են տարբեր ֆինանսական բուրգեր, որոնք խոստանում են բարձր եկամուտ ներդրումների համար և, որպես կանոն, հավաքելով գումարը՝ անհետանում:
Խնդրում ենք լինել հետևողական և զգույշ՝ տարբեր խարդախ մեխանիզմների զոհ չդառնալու համար:
Կան մի քանի նախանշաններ, որոնք կօգնեն տարբերել ֆինանսական բուրգը.
- Երաշխավորում են բարձր եկամուտ՝ առանց ֆինանսական որևէ ռիսկի: Ընկերությունը հրապարակայնորեն խոստանում է շուկայականից անհամեմատ ավելի բարձր եկամուտ: Նշվում է եկամտի հաշվարկման և տրամադրման անհասկանալի, բարդ կարգ:
- Ներդրումների մասին հիմքեր չեն տրամադրում։ Ցույց են տալիս գեղեցիկ նկարներ, տեսանյութեր և այլն, սակայն ոչ ֆինանսական փաստաթղթեր: Գումարն առաջարկում են ուղարկել ուրիշ ֆինանսական կազմակերպության հասցեին, որևէ անձի ֆինանսական քարտին և այլն, կամ էլ փոխանցել կանխիկ:
- Այս դեպքում որևէ մեկը չի կարող ապացուցել, որ ներդրում է կատարել:
Չեն նշում կապի միջոցներ, իսկ ներդրում կատարած դժգոհող անձանց անհիմն արգելափակում են:
- Առաջարկում են նոր հաճախորդներ ներգրավել և յուրաքանչյուր նոր հաճախորդի համար խոստանում հավելյալ եկամուտ:
- Հնարավոր ներդրողների վստահությանն արժանանալու համար հաճախ հրապարակում են հայտնի ընկերությունների հետ համագործակցության վերաբերյալ կեղծ տեղեկություն։
Այսպես շահագրգռելով մարդկանց՝ փորձում են հնարավորինս սեղմ ժամկետում առավելագույն գումար ներգրավել, յուրացնել և «անհետանալ»: Հուսալի ներդրումներ կատարելու և հնարավոր ֆինանսական կորուստներից խուսափելու նպատակով.
- Ընտրեք գրանցված ընկերություն, որի մասին տեղեկատվություն կա իրավասու կազմակերպությունների կայքերում:
- Ներդրումների նպատակով ընտրեք այնպիսի ընկերություն, որը վերահսկվում է ՀՀ ԿԲ կողմից․ ցանկը հրապարակված է ԿԲ կայքում:
- Ուշադիր կարդացեք, վերստուգեք ֆինանսական պայմանագրերն ու այլ փաստաթղթերը՝ ըստ անհրաժեշտության խորհրդակցելով իրավաբանների հետ:
Կոնվերս Բանկի գործունեության, այլ ընկերությունների հետ համագործակցության վերաբերյալ հավաստի տեղեկատվություն կարող եք ստանալ Բանկի պաշտոնական կայքում, ինչպես նաև սոցիալական պաշտոնական էջերում կամ զանգահարելով 010-511-211։
Բանկը վերահսկվում է ՀՀ ԿԲ կողմից:
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
«Հրապարակ». Հավաքին մասնակցելու համար ազատել են պաշտոնից
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
Նիկոլ Փաշինյանն ու իր թիմը երեկ երկրորդ ապտակը ստացան Տաշիրում. «Հրապարակ»