ArvaTec MoonDino բրնձի մոլախոտերի դեմ պայքարող դաշտային ռոբոտները թարմացումներ են ստացել

Glavpahar.ru-ն գրում է, որ ArvaTec MoonDino դաշտային ռոբոտները թարմացվել են և այժմ կարող են ինքնուրույն աշխատել 16 ժամ բրնձի դաշտերում մոլախոտերի մաքրման և մշակման աշխատանքներ իրականացնելու համար: Միաժամանակ ռոբոտը կարող է նույն հաջողությամբ օգտագործվել ցանքից անմիջապես հետո ինչպես չոր այնպես էլ ջրով ողողված հողի վրա մեխանիկական եղանակով պայքարելով մոլախոտերի դեմ։

Ռոբոտի անիվները հատուկ ձևի են և ծառայում են որպես մոլախոտերի մաքրման գործիքներ։ Ռոբոտը շարքերի միջև տարածությունում չի թողնում մոլախոտեր և ճշգրիտ ճանաչում է բրնձի շարքերը սենսորների և GPS կառավարման շնորհիվ։

Ռոբոտը կառուցված է մետաղական շասսիի վրա, որն ամբողջությամբ պատրաստված է թեթև և դիմացկուն ալյումինե խառնուրդից: Լիաքարշակով բարձր պտտվող փոխանցման տուփն ապահովում է առավելագույն ձգողականություն, իսկ մինչև 1200 վտ հզորության շարժիչը թույլ է տալիս մանևրել դժվար իրավիճակներում: Նշենք, որ նրա էլեկտրական շարժիչը սնուցվում է մարտկոցով, որն անընդհատ լիցքավորվում է արևային մարտկոցներից։ Բացի այդ, մոդելն օգտագործում է GNSS RTK կառավարման համակարգ և ապահովում է ամբողջական անվտանգություն բազմաթիվ սենսորների ինտեգրման միջոցով:

Ներկայումս ռոբոտն արդեն հասանելի է Եվրոպայում, որտեղ մեքենայի գինը ներկայիս փոխարժեքով կազմում է մոտ 53 հազար ԱՄՆ դոլար կամ 4,67 միլիոն ռուբլի։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]