Mercedes ML 350-ը «Չայնիի» ոլորաններում մխրճվել է երկաթե արգելապատնեշի մեջ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երեկ՝ հունվարի 5-ին, ճանապարհի մերկասառույցի պատճառով հերթական ավտովթարն է տեղի ունեցել Կոտայքի մարզում։ Ժամը 11։50-ի սահմաններում Mercedes ML 350 մակնիշի ավտոմեքենան Երևան-Սևան ավտոճանապարհի՝ «Չայնիի» ոլորանների սկզբնամասում, դեպի Երևան ընթանալիս, ճանապարհի մերկասառույցի պատճառով դուրս է եկել երթևեկելի գոտուց, բախվել երկաթե արգելապատնեշին։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով ըստ նախնական տեղեկությունների բարեբախտաբար տուժածներ չկան, սակայն երկաթե արգելապատնեշը մխրճվել է ավտոմեքենայի մեջ և այն դուրս բերելու համար վարորդին օգնության են հասել քաղաքացիներն ու ՀՀ Ներքին գործերի նախարարության Ոստիկանության Պարեկային ծառայության Կոտայքի մարզի գումարտակի պարեկները։

Ֆոտոլրագրողը հայտնում է, որ եթե վարորդը ճիշտ չկողմնորոշվեր, ապա հնարավոր է բախվեր այլ ավտոմեքենաների կամ էլ ավտոմեքենա կհայտնվեր ձորում։

Վթարից հետո միայն ժամանել են տարածքն սպասարկող ճանշինականներն ու սկսել աշխատանքներ կատարել՝ ճանապարհը մերկասառույցից մաքրելու ուղղությամբ։ 

Օպերատիվորեն ժամանել են ՀՀ Ներքին գործերի նախարարության Ոստիկանության Պարեկային ծառայության Կոտայքի մարզի գումարտակի 2-րդ վաշտի 1-ին դասակի պարեկները՝ գումարտակի հրամանատար Արտյոմ Սահակյանի, գումարտակի հրամանատարի տեղակալ Լևոն Բադալյանի, գումարտակի ծառայության տեսուչ Կառլեն Բաղյանի, դասակի հրամանատար Արմեն Ավետիսյանի գլխավորությամբ։

Տարածքը սահմանազատել, ծառայություն են կատարել նույն վաշտի պարեկներ Հովհաննես Աբրահամյանն ու Նարեկ Սահակյանը։

Պարեկային ծառայությունը պարզում է վարորդի ինքնությունը։

Վարորդը տեղում ենթարկվել են սթափության փորձաքննության, եղել է սթափ։