Երևանից մեկնած ինքնաթիռը չի կարողացել վայրէջք կատարել Թբիլիսիի միջազգային օդանավակայանում

 Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Թբիլիսիի Շոթա Ռուսթավելիի անվան միջազգային օդանավակայանը մառախուղի և վատ եղանակի պատճառով չի կարողացել մի քանի ինքնաթիռ ընդունել:

Մոսկվայից, Երևանից, Բաքվից և Թեհրանից ժամանող ինքնաթիռներին չի հաջողվել վայրէջք կատարել Թբիլիսիի միջազգային օդանավակայանում։

Այս մասին հայտնել է aliq.ge-ն:

Radiotavisupleba.ge լրատվականի փոխանցմամբ՝ օդանավակայանի մամուլի ծառայությունից էլ հայտնել են, որ Մոսկվայից Թբիլիսի չվերթ իրականացնող վրացական Georgian Airways ավիաընկերության ինքնաթիռը վայրէջք է կատարել Քութայիսիի օդանավակայանում։ Մյուս երեք ավիաընկերությունների՝ հայկական Air Dilijans, ադրբեջանական AZAL, իրանական Qeshm Air ինքնաթիռները վերադարձել են։

Այս փուլում մյուս թռիչքների դեպքում խնդիրներ չեն առաջացել։