Իլհամ Ալիևի ախորժակն աճում է Փաշինյանի թուլակամության պատճառով
Որքան Հայաստանի գործող վարչախումբն իրեն անողնաշար կենդանու պես է պահում արտաքին հարաբերություններում՝ հատկապես Ադրբեջանի հետ շփումներում, այնքան Իլհամ Ալիևի ախորժակը շարունակում է աճել։
Նախօրեին ադրբեջանական մի քանի հեռուստաընկերություններին տված հարցազրույցում Ալիևը նախ պահանջել է Զանգեզուրի միջանցքը, ապա և պնդել, որ հրաժարվում է զորքերի հայելային հետքաշման առաջարկներից, ավելին, ըստ Ալիևի՝ սահմանի այդ հատվածն ամենևին սահմանագծված չէ և որևէ մեկը չի կարող ասել՝ Հայաստանի, թե Ադրբեջանի տարածքն է, ընդհակառակն Ալիևը շարունակել է տասնամյակների կեղծ պատմագիտական նարատիվներն ըստ որոնց Երևանը և Ջերմուկն ադրբեջանական քաղաքներ են։
Վստահաբար Ադրբեջանի նախագահի այս հայտարարություններն առաջին հերթին ուղղված են ոչ թե Հայաստանին, այլ ավելի շուտ արտաքին խաղացողներին։ Բարձրացնելով խաղադրույքները՝ Իլհամ Ալիևը փորձում է հնարավորինս ավելի շատ պոկել։ Ի տարբերություն ռեսուրսներով աղքատ Հայաստանի՝ Ադրբեջանն այսօր թե՛ Արևմուտքին և թե՛ Ռուսաստանին տալու բան ունի, և, օգտվելով աշխարհաքաղաքական իրավիճակից, փորձում է առավելագույն գնով վաճառել իր իսկ ունեցածը։
Մեծ հաշվով, Իլհամ Ալիևը նույնիսկ չի բացառում պատերազմ վերսկսելու հնարավորությունը։ Հասկանալով, որ հատկապես 2024 թվականին, երբ Ռուսաստանում, Եվրամիությունում և Միացյալ Նահանգներում քաղաքական միավորների գլուխը խառն է լինելու ընտրական գործընթացներով, ինքը՝ Ալիևը, ևս արտահերթ նախագահական ընտրություններ է նախաձեռնել փետրվարի 7-ին, ավելի վաղ, քան ԱՄՆ, Եվրախորհրդարանի կամ ՌԴ նախագահի ընտրությունները, ուստի փորձելու է Ադրբեջանում վստահության նոր քվե ստանալուց հետո անցնել չափազանց արմատական և կոշտ մեթոդների։
Արամ Սարուխանյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ