Մի ամբողջ աշխարհ՝ հայկական աշխարհ քանդվեց, դուք ասում եք թենիսի կորտերը. Աննա Կոստանյան

Աննա Կոստանյանը ֆեյսբուքյան իր էջում գրել է. 

Մի ամբողջ աշխարհ՝ հայկական աշխարհ քանդվեց, դուք ասում եք թենիսի կորտերը։ Էնպես չի, թե կողմ եմ, որ քանդեն, բայց որո՞նք են մեր առաջնահերթությունները, կարևորությունները, այ հենց նման՝ միկոմակարդակում գտնվող հարցերի շուրջ ակտիվացումներն են երևան բերում մեր նպատակների «հակառակ՝ մութ կողմը»։ Պարզապես արդեն համակերպվել ենք մեծ կորստի հետ, մանր-մունր խնդիրների մասին խոսելով ենք ինքնամխիթարվում։ Իսկ եթե ծուռը նստենք, դուզը խոսենք Հայաստանում ոլորտային թերացումներից, վատ, ապիկար կառավարումից, ապականված համակարգից, մի ողջ կյանքը չի բավականացնի։

Մեր բոլոր խնդիրների պատճառը համակարգային է, լուծումներն էլ համակարգային պիտի լինեն, և սա բացահայտում չէ, պարզապես հիշեցում, որ տեղային հարցերի մասին մտահոգությունները և դրանք բարձրաձայնելը ՄԵԾ ԽՆԴԻՐԸ չեն լուծում։