Չինաստանը շրջանցել է Եվրամիությանը գիտական նորարարություններով

Եվրոպական հանձնաժողովի կայքում հրապարակված զեկույցի համաձայն՝ Չինաստանը շրջանցել է Եվրամիությանը մաքուր էներգիայի հետ կապված տեխնոլոգիաների հետազոտությունների ասպարեզում։ «Բլում բերգ» գործակալության տեղեկություններով՝ 2021 թվականին արդեն Չինաստանն առաջատարն էր գիտական հրապարակումների թվով այնպիսի ոլորտներում, ինչպես արևային և քամու էներգետիկան են, լիթիումային մարտկոցները, ջերմային պոմպերն ու ածխածնի տեխնոլոգիաները։

Դեռ 2010 թվականին գիտական հրապարակումներում բոլոր այդ ոլորտներում, բացի քամու էներգետիկայից, առաջատարը եվրամիությունն էր, ընդ որում առաջատար էր մի քանի անգամ ավելի շատ։ Թեև Եվրոպայի կախվածությունը չինական արտադրության ապրանքներից, ինչպիսիք են արևային մարտկոցները, որ բավականին լավ հայտնի են, գնալով խորանում է, փաստաթղթում ընդգծվում է, որ հետազոտությունների և նորարարությունների ոլորտում ճեղքվածքը կարող է բարդացնել Եվրամիության գործը՝ Չինաստանից քաղաքական կախվածությունը թոթափելու հարցում։

2022 թվականին Եվրամիության ներմուծման մոտ 22 %-ը ստացվել է Չինաստանից և վերջին մեկ տարվա ընթացքում այդ ցուցանիշը կրկին ավելացել է։ Միևնույն ժամանակ ԱՄՆ-ում նույն ցուցանիշը, ըստ զեկույցի, նվազել է։ «Չինաստանի գլոբալ գերիշխանությունն այնպիսի կարևոր ոլորտներում, ինչպես արևային էներգիան ու էլեկտրոնիկան են, հանգեցնում է առևտրի դիվերսիֆիկացիայի սահմանափակ հնարավորություների»,— նշում են զեկույցի հեղինակները՝ կոչ անելով անհատական միջոցներ ձեռնարկել Չինաստանից կախվածությունը թոթափելու համար։

Հայաստանն արևային վահանակներ արտադրող մեկ ընկերություն ունի՝ «Սոլարոնը»։

Մանուշ Գալստյան