Գործող իշխանությունը փորձում է հնարավորինս նսեմացնել մեր պատմական անցյալը. «Հայաքվե»

ԿԳՄՍ նախարարությունը հանրակրթության պետական չափորոշչում ցանկանում է «Հայոց պատմություն» դասընթացի անվանումը փոխարինել «Հայաստանի պատմություն» արտահայտությամբ, որի նպատակն է, իբր, ամրապնդել պետականության գաղափարը սովորողների շրջանում։

Անփորձ աչքի համար տարբերությունը մեծ չէ, բայց իրականում այն հսկայական է: Հայոց պատմությունն ընդգրկում է մեր ազգի պատմությունը` Հայկ Նահապետից մինչև Ուրարտու, ապա` հայկական բոլոր թագավորությունները, ներառյալ` Կիլիկիայի թագավորությունը, Հայկական Սփյուռքի բազմադարյա բեղուն պատմությունը, և շատ ավելին:

Իսկ ահա Հայաստանն իր ներկայիս տեսքով ձևավորվել է ընդամենը վերջին երկու հարյուրամյակների ընթացքում՝ հիմնականում Հայոց ցեղասպանության և մեր ազգի հայրենազրկման հետևանքով, և մեր ազգի պատմության փոքր հատվածն է։

Գործող իշխանությունը փորձում է հնարավորինս նսեմացնել մեր պատմական անցյալը և բոլորին համոզել, թե իբր այս 29 800 քառակուսի կմ-ն այն առավելագույնն է, ինչին մեր ազգը կարող է հավակնել ներկայում և ապագայում։

Այժմ այս անհեթեթ օրենքի նախագիծը դրված է կառավարության e-draft կայքում: Իր ոճին համաձայն` գործող իշխանությունը փորձում է տեսանելիություն ստեղծել, թե այն անցնում է ժողովրդավարական ընթացակարգի միջոցով, և իբր հանրային աջակցություն ունի։

Առաջարկում ենք հանրային քննարկումների այս փուլում լինել ակտիվ․

Մուտք գործել իրավական ակտերի նախագծերի հրապարակման միասնական կայք

գրանցվել կայքում և ձեռք բերել մուտքանուն և գաղտնաբառ

ԴԵՄ քվեարկել նախագծին

առաջարկություններ բաժնում գրառումներ կատարել և հորդորել՝ չընդունել այս նախագիծը։

Քվեարկիր հետևյալ հղմամբ՝ https://www.e-draft.am/projects/6771/about