Կոռուպցիայի դեմ պայքարում առաջընթացը կանգ է առել. TI-ն փշրում է ՔՊ-ի անուրջները
Մինչ Հայաստանի գործող իշխանությունները փորձում են համոզել, թե Հայաստանում համակարգային կոռուպցիան վերացված է, միջազգային կառույցներն ամեն անգամ իրենց զեկույցներով կրկին ու կրկին ապացուցում են, որ Նիկոլ Փաշինյանի վարչախումբը ստախոսների սովորական կույտ է։
«Transparency International»-ի կողմից հրապարակվել է 2023 թվականի կոռուպցիայի ընկալման համաթիվը, որը ցույց է տալիս, թե պետությունների մեծ մասը քիչ, կամ ոչ մի առաջընթաց չի գրանցել հանրային ոլորտում կոռուպցիայի դեմ պայքարում։ Հայաստանի կոռուպցիայի ընկալման համաթիվը նախորդ տարվա համեմատ աճել է մեկ միավորով և հավասարվել 47-ի, ընդ որում հաշվի առնելով այն փաստը, որ Հայաստանի կոռուպցիայի ընկալման համաթվի չափման ստանդարտ սխալի չափը հավասար է 2,54-ի և դա ավելի մեծ է քան համաթվի արժեքի մեկ միավոր աճը, կարելի է պնդել, որ այս փոփոխությունը վիճակագրորեն նշանակալի չէ, ինչը նշանակում է, որ Հայաստանում կոռուպցիայի դեմ պայքարում առաջընթացը պարզապես կանգ է առել։
Կազմակերպությունը նշում է, որ 2018 թվականի այսպես կոչված հեղափոխությունից հետո երկու տարիներին Հայաստանը զգալի ժողովրդավարական և հակակոռուպցիոն բարեփոխումների ականատեսն է դարձել, սակայն հետագա տարիներին առաջընթացը կանգ է առել, առաջին հերթին այդ բարեփոխումների իրականացման սահմանափակ մասշտաբների պատճառով։ Չնայած նրան, որ Հայաստանը, ինչպես տարածաշրջանի շատ այլ երկրները, դիմակայում է անվտանգության սպառնալիքներին, ունի բավարար ներուժ հաղթահարելու այդ դժվարությունները և կիրառելու արդյունավետ քաղաքականություն, ավելի կառավարելի դարձնելու համար կոռուպցիան։
Վերացարկվելով այս տերմիններից՝ կարող ենք հերթական անգամ փաստել, որ միջազգային կազմակերպությունը կոռուպցիայի դեմ պայքարում Հայաստանի իշխանությունների գործողությունները գնահատում է անբավարար, ֆիքսում, որ մեր երկրում վերջին, առնվազն մի երկու տարվա ընթացքում, կոռուպցիայի կանխարգելման ոլորտում գրեթե ոչինչ չի արվել։ Գործող իշխանությունների համար չափազանց բարդ է լինելու մանիպուլացնել այս տվյալները և հերթական անգամ հայտնվելու են չափազանց տխուր իրավիճակում, երբ նույնիսկ իրենց գործընկեր միջազգային կառույցներն են արձանագրում գործող վարչախմբի անձեռնահասությունը և դիլետանտիզմը։
Մարինե Դանիելյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ