Ավտովթար Արմավիրի մարզում․ բախվել են Mercedes -ն ու ВАЗ 21015-ը․ 13-ամյա տղան տեղափոխվել է հիվանդանոց

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երեկ՝ փետրվարի 2-ին, ավտովթար է տեղի ունեցել Արմավիրի մարզում։ Ժամը 22։30-ի սահմաններում Արևշատ գյուղի սկզբնամասում բախվել են Երևանի բնակիչ 34-ամյա Կարապետ Կ․-ի վարած Mercedes մակնիշի և Սյունիքի մարզի բնակիչ 40-ամյա Գավրոշ Պ․-ի վարած ВАЗ 21015 մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով Գավրոշ Պ․-ի ուղևոր 13-ամյա Վ․ Պ․-ն մարմնական վնասվածքներով տեղափոխվել է «Վաղարշապատ» բժշկական կենտրոն, որտեղից տեղափոխվել է Երևանի «Սուրբ Աստվածամայր» բժշկական կենտրոն։

Դեպքի վայր են ժամանել ՀՀ Ներքին գործերի նախարարության ոստկիկանության Պարեկային ծառայության Արմավիրի մարզի գումարտակի 1-ին վաշտի 1-ին դասակի պարեկները՝ գումարտակի հրամանատար Ղարիբ Գրիգորյանի, վաշտի հրամանատար Արսեն Բաղդասարյանի, դասակի հրամանատար Կարեն Մանուկյանի գլխավորությամբ։

Ժամանել է նաև նույն գումարտակի 2-րդ վաշտի հրամանատար Մանուկ Սարգսյանը։

Դեպքի վայր են ժամանել ՀՀ ՆԳՆ ոստիկանության Վաղարշապատի բաժնի հերթապահ խումբը՝ բաժնի պետի օպերատիվ գծով տեղակալ Գևորգ Միքայելյանի գլխավորությամբ։

Տարածքը սահմանազատել են պարեկներ Սարգիս Խաչեյանն ու Նարեկ Վարդանյանը։

Վթարի մաիսն ոստիկանության Վաղարշապատի բաժնից տեղեկությունը փոխանցել են Հայաստանի Քննչական կոմիտեի Արմավիրի մարզային քննչական վարչության Վաղարշապատի քննչական բաժին, որտեղից ժամանել է քննչական խումբը՝ օրվա պատասխանատու հերթապահ քննիչի գլխավորությամբ։ 

Վթարի փաստով քննչական բաժնում նախաձեռնվել է քրեական վարույթ։

Գ․ Շամշյանի տեղեկություններով վիրավորը ՎԱԶ-ի վարորդի որդին է։