Նիկոլ Փաշինյանը ներկա է գտնվել Նարեկ Նալբանդյանին պատկանող հյուրանոցային համալիրի՝ արդեն պաշտոնական բացմանը. «Փաստ»

«Փաստ» օրաթերթը գրում է.

Օրեր առաջ տեղեկացրել էինք, որ գործարար Նարեկ Նալբանդյանին պատկանող Eighty Eigth (նախկին «Գոլդեն փելես») հյուրանոցային համալիրի բացման արարողությանն ու Ամանորի տոնական շոուն բավական ճոխ են անցել, հյուրանոցային համալիրն ամբողջությամբ լեփ-լեցուն է եղել, իսկ բուն միջոցառումների բոլոր տեղերն ամրագրված են եղել նախապես:

Սակայն մի քանի օր առաջ պաշտոնական հաղորդագրություն տարածվեց, որ «Նիկոլ Փաշինյանը ներկա է գտնվել վերաբրենդավորված և վերանորոգված Eighty Eight Hotel & Spa հյուրանոցային համալիրի բացմանը»: Նշվում է, որ վարչապետը շրջայց է կատարել հյուրանոցային համալիրում՝ ծանոթացել կատարված աշխատանքներին, ստեղծված պայմաններին եւ առաջարկվող ծառայություններին:

«Փաստ» թերթը փորձեց ճշտել, թե ինչի մասին է խոսքը: Մեր աղբյուրները փոխանցեցին, որ դեկտեմբերի վերջին եղել է, այսպես կոչված, նախաամանորյա բացման արարողություն, որից հետո համալիրն, ինչպես ասում են, «բացել է դռները»: Իսկ ահա բացման պաշտոնական արարողությունը տեղի է ունեցել փետրվարի 3-ին, երբ համալիր է այցելել Նիկոլ Փաշինյանը:

Մանրամասները՝ «Փաստ» օրաթերթի այսօրվա համարում