Դպրոցականները բարեգործություն են կատարում
Երևանի Շիրակացու անվան դպրոցի 9-րդ դասարանի աշակերտուհիներ Գայանե Մուրադյանը, Նանե Պողոսյանը և Մարգարիտա Գրիգորյանը սովորական երևանյան դպրոցականներ են, բայց շատերից տարբերվում են, որովհետև սեփական երջանկությունը տեսնում են նաև ուրիշների բարեկեցության մեջ: Նրանք փորձում են իրականացնել իրենց երազանքները, որոնցում նաև իրենց կարիքավոր հասակակիցներն են:
Գայանեն, Նանեն և Մարգարիտան օրերս կատարեցին իրենց կայնքի, հավանաբար, ամենահամարձակ քայլը՝ բարեգործություն: Բարեգործությունը մարդկային ամենամեծ առաքինություններից է: Այն հատկապես արժեքավոր է, երբ կատարվում է անշահախնդիր, իսկ մարդկային հասարակության ամենաանշահախնդիր ներկայացուցիչները երեխաներն են:
Մեր ակնարկի հերոսները ոչ այնքան այս երեք դպրոցահասակ աղջնակներն են, այլ Գյումրիի տնակային պայմաններում ապրող իրենց հասակակիցները: Նրանց օգնելու նպատակով՝ դասընկերուհիները դրամահավաք են նախաձեռնել, տարբեր մարդկանց ու կազմակերպություններին համոզել, որ այդ պայմաններում ապրող երեխաները հավելյալ ուշադրության կարիք ունեն, որ իրենք ավելի՝ քան մեծահասակները, պատկերացնում են դժվարին սոցիալական պայմաններում ապրող իրենց հասակակիցների դժվարությունները, նրանց երազանքներն ու մեծապես կգնահատեն թեկուզ փոքր, բայց սրտանց առաջարկվող օգնությունը:
Աղջիկները չեն ուզում խոսել իրենց հավաքած գումարի չափի, օգնություն ստացած երեխաների թվի մասին, նույնիսկ անուններ չեն տալիս, որովհետև համոզված են, որ էականը ոչ թե թվերն են, այլ այն, որ դժվարության մեջ հայտնված յուրաքանչյուր երեխա հավատա, որ իրեն կգտնեն, կաջակցեն, կդառնան իր ընկերը: Բայց ամենակարևորը, որ նշում են Գայանեն, Նանեն և Մարգարիտան, այն է, որ մի օր էլ այդ տնակներում ապրող երեխաներն են օգնելու ուրիշներին:
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ