Իրանում մահապատիժների թիվը հասել է 8 տարվա ամենաբարձր մակարդակին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իրանում 2023 թվականին մահապատժի է ենթարկվել առնվազն 834 մարդ, ինչը 2015 թվականից ի վեր ամենաբարձր ցուցանիշն է։ Նման տվյալներ են հրապարակել իրավապաշտպան Iran Human Rights և Together Against the Death Penalty կազմակերպությունները։ 2022 թվականի համեմատ մահապատիժների թիվն աճել է 43%-ով, հայտնում է kommersant.ru-ն:

Իրավապաշտպան կազմակերպությունների տվյալներով՝ 2023 թվականին քաղաքական գործերով մահապատժի է ենթարկվել առնվազն ութ մարդ։ Մահապատժի ենթարկվածների մեծ մասը մահապատժի է դատապարտվել թմրանյութերի հետ կապված հանցագործությունների համար՝ 471 մարդ։ Նման դեպքերում մահապատիժների թիվը 2022 թվականի համեմատ աճել է 84 տոկոսով և 2020 թվականի համեմատ՝ մոտավորապես 18 անգամ։

Ընդհանուր առմամբ, 2010 թվականից սկսած, կազմակերպությունների գնահատականներով, Իրանում մահապատժի է ենթարկվել գրեթե 8 հազար մարդ։