Տհաճ, բայց օբյեկտիվ միջադեպ Եռաբլուրում
Երեկ Եռաբլուրում սպարապետ Վազգեն Սարգսյանի ծննդյան 65-րդ տարելիցի նշումն աչքի ընկավ տհաճ մի միջադեպով, որը, սակայն, օբյեկտիվ էր։ Լրագրողները Վազգեն Սարգսյանի եղբորը՝ «Հանրապետություն» կուսակցության նախագահ Արամ Սարգսյանին, հարցրեցին, թե ինչպե՞ս է կանգնում Նիկոլ Փաշինյանի կողքին, երբ այդ իշխանությունը հանձնել է Վազգեն Սարգսյանի պահած Արցախը։ Դիտարկմանը, թե համագործակցում է այն իշխանության հետ, որը թաղել է իր եղբոր ազատագրած Արցախը, Արամ Սարգսյանը պատասխանեց զայրացած մեկնաբանություններով, ընդհուպ վիրավորանքներ հասցնելով լրագրողներին, մեղադրելով 5000 դրամով քվեները ծախելու, վճարված լինելու և այլ մահացու մեղքերի մեջ։
«Հանրապետություն» կուսակցության նախագահը նաև ճողոպրեց լրագրողներից՝ այդպես էլ հստակ պատասխան չտալով։ Իհարկե, կարելի էր տարբեր կերպ գնահատել տեղի ունեցած միջադեպը, սակայն այն լիովին արտացոլում է այսօրվա իրավիճակը։ Ի վերջո Վազգեն Սարգսյանի եղբայրն ինքը պետք է հասկանա, որ ցանկացած պարագայում իրեն հենց այդ հարցն էլ տալու են։ Թե ինչպե՞ս է այսօր հմագործակցում Արցախը դավաճանած, Հայաստանին պարտություն բերած քաղաքական ուժի հետ, հատկապես այս հարցը վերաբերում է իրեն, քանի որ, ի տարբերություն Հայաստանի շարքային այլ քաղաքացիների, նա հայկական բանակի հիմնադրի եղբայրն է, իսկ գործող իշխանություններն ամեն ինչ անում են այդ բանակը վարկաբեկելու, հայ սպային նսեմացնելու համար։
Սոնա Մելիքյան
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Իշխանությունների թիրախում են ակտիվ արցախցիները. «Հրապարակ»