Այս տարի ԱՄՆ-ում արևային էներգիայի չափաբաժինը կաճի

Միջազգային Էներգետիկ Գործակալության վերջին զեկույցում ասվում է, որ ԱՄՆ-ում արևային խոշոր նախագծերը կկազմեն 2024 թվականին հզորության աճի 58 %-ը և զգալիորեն կավելացնեն ամբողջ երկրում արտադրվող էլեկտրաէներգիայի քանակը, գրում է profinance.ru-ն: Ակնկալվում է, որ այս տարի ընդհանուր առմամբ 36,4 գիգավատ արևային նոր կայանքներ կհայտնվեն, ինչը ռեկորդային ցուցանիշ է, և գրեթե կրկնակի ավել է նախորդ տարվա 18,4 գիգավատտից: Նոր արևային հզորության կեսից ավելին կլինեն Տեխասում, Կալիֆոռնիայում և Ֆլորիդայում:

Նախատեսվում է, որ ԱՄՆ-ի ամենամեծ արևային էլեկտրակայանը կլինի Նևադայում գտնվող Gemini նախագիծը: Այն 2024 թվականին զգալի ներդրում կունենա արդյունաբերության զարգացման գործում: Գործակալությունը նշել է առևտրի և լոգիստիկ սահմանափակումների թուլացումը որպես արևային էներգիայի արդյունաբերության աճի հիմնական շարժիչ ուժեր:

Պետությունը երկար ժամանակ փորձել է խթանել արևային արդյունաբերության զարգացումը, այդ թվում կառավարության նախաձեռնությունների միջոցով, ինչպիսին է գնաճի նվազեցման օրենքը: Նախկինում մաքսատուրքեր և արգելքներ էին դրվել չինական արտահանման վրա, որպեսզի արտադրողները կարողանան ընդլայնել իրենց ներքին արտադրությունը: Երբ սահմանափակումները հանվեցին, ասիական արտադրողներից էժան ապրանքների ներմուծումն օգնեց ԱՄՆ-ում նվազեցնել արևային էներգիայի գները: Reuters-ի փոխանցմամբ Ասիայից սարքավորումների մատակարարումները նախորդ տարվա օգոստոսի համեմատ կրկնապատկվել են: Բայց այդ միտումը դժվարացրել է ներքին արտադրության ոլորտը:

2024 թվականին նաև էլեկտրաէներգիայի արտադրության հզորությունները կավելացվեն նոր մարտկոցներով, ինչը կկրկնապատկի ցանցում առկա 15,5 գիգավատ հզորությունը։

Կառուցապատողները և էլեկտրակայանների սեփականատերերը նախատեսում են ավելացնել 62,8 գիգավատ հզորություն, ինչը 55 տոկոսով ավելին կլինի 2023 թվականի համեմատ: Գործակալությունը նշել է, որ դա կլինի ամենաբարձր ցուցանիշը 2003 թվականից ի վեր:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]