Փաշինյանի հակառուսական կոմբինացիան և ընդդիմության երկընտրանքը
Հայաստանյան խորհրդարանական ընդդիմությունը մտադիր է ապրիլից, տաքերն ընկնելուն պես, վերսկսել փողոցային պայքարը գործող վարչախմբի դեմ։
«Հայաստան» խմբակցության ղեկավար Սեյրան Օհանյանը խորհրդարանում լրագրողների հետ զրույցում հայտնել է, թե դրա համար անհրաժեշտ է ժողովրդական լայն համախմբում, ինչպես նաև ընդդիմությունը պետք է մի կողմ դնի տարաձայնությունները և միավորվի գործող իշխանությունների դեմ։
Ընդ որում, նույն այդ ապրիլին, երբ ընդդիմությունը մտադիր է սկսել իր փողոցային պայքարը, Բրյուսելում տեղի է ունենալու ուշագրավ մի հանդիպում, որը չափազանց մեծ ազդեցություն է ունենալու Հայաստանի հետագա ընթացքի վրա։
Անվտանգության խորհրդի քարտուղար Արմեն Գրիգորյանը երեկ հաստատել էր, որ ապրիլի 5-ին Բրյուսելում հանդիպելու են Եվրահանձնաժողովի նախագահ Ուրսուլա ֆոն դեր Լայենը, ԱՄՆ պետքարտուղար Էնթոնի Բլինքենը և Նիկոլ Փաշինյանը՝ քննարկելու Հայաստանի անվտանգության երաշխիքներ տալու հնարավորությունները։ Ըստ էության, այս քայլը, որ ասոցացվում է Ուկրաինային տրվող անվտանգության երեշխիքների հետ, լիովին հակառուսական է։ Եվրախորհրդարանն օրեր առաջ բանաձև ընդունեց՝ կոչ անելով քննարկել Հայաստանի եվրամիության անդամության հնարավորությունը։
Նիկոլ Փաշինյանը դրանից հետո Կառավարության նիստում հայտարարել էր, թե Հայաստանում հանրային լայն քննարկում պետք է լինի և քաղաքական բոլոր ուժերն իրենց կարծիքը պետք է արտահայտեն այդ կապակցությամբ։
Փաշինյանամաերձ և արևմտամետ դիրքավորվող քաղաական կոււսակցություններն արդեն իսկ խանդավառված ողջունել են Փաշինյանի այս հայտարարությունը և ԵԽ բանաձևը։
Ընդդիմադիր ուժերից միայն «Հայ ազգային կոնգրեսն» է, որ հայտարարել է առկա ռիսկերի մասին, մյուս ընդդիմադիր ուժերը որևէ կերպ չեն արտահայտվել, ըստ երևույթին վախենում են, որ համատարած հակառուսական տրամադրությունների ֆոնին, որը բորբոքում է գործող վարչախումբը, ԵԽ բանաձևին դեմ արտահայտվելը կարող է վարկանիշի կորստի հանգեցնել։
Իրականում Փաշինյանին հենց դա էլ պետք է, ընդդիմությանը քաշել նման դիսկուսի մեջ, մեղադրել Հայաստանի և եվրոպական ապագայի դեմ քայլեր ձեռնարկելու մեջ և վարկաբեկել ընդդիմությանը, թույլ չտալ միավորվել։
Ընդդիմությունը պետք է հստակ արտահայտվի բոլոր ուղղություններով, նշի նման հնարավորությունների ռիսկերի մասին և չվախենա իր վրա պատասխանատվություն վերցնել գործող իշխանության դեմ պայքարում։
Արփի Մանասյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Վաշինգտոնը Եվրոպայից կպահանջի վերադարձնել Ուկրաինային ռազմական օգնության համար տրամադրված գումարները
Արցախի հարցը չսպիացող վերք է. սոցիալական նպաստները չեն կարող փակել պատմական ու իրավական բաց վերքը. «...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
«Ուրարտու» ֆուտբոլային ակումբը դատական գործընթացին ներգրավվում է որպես երրորդ կողմ․ հայտարարություն
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
«ՀայաՔվեն» Արցախի էջը փակված չի համարում. Արեգ Սավգուլյան
Արդարադատություն պատգարակի վրա. երբ պետական ապարատը վերածվում է անհոգի վրեժխնդրության գործիքի. «Փաստ...