Հերթական դավադրությունը. Փաշինյանը չի բացառում Ադրբեջանի դեմ գանգատներից հրաժարումը
Փաշինյանական վարչախումբը չի բացառում միջազգային տարբեր դատական ատյաններից Ադրբեջանի դեմ ներկայացված գանգատները հետ վերցնելու հնարավորությունը։ Փետրվարի վերջից սկսած, մի քանի անգամ տարբեր տրամաչափի պաշտոնյաներ նման հնարավորության մասին հայտարարություններ արել են, այդ թվում՝ արտգործնախարար Արարատ Միրզոյանը, ԱԺ նախագահ Ալեն Սիմոնյանը։
Նախօրեին էլ Կառավարության հետ հարցուպատասխանին Նիկոլ Փաշինյանն էր նշել նման հնարավորության մասին, թեպետ հայտարարում է, որ դեռևս վերջնական որոշում չկա, բայց չի հերքում, որ կան քննարկումներ. չի բացառվում, որ խաղաղության պայմանագրի ստորագրման վերջին փուլում նաև նման որոշում կայացվի։
Նշենք, որ դա չափազանց հակաժողովրդավարական է և հակասում է իրենց իսկ սկզբունքներին։
Անկախ ամեն ինչից, Ադրբեջանը ռազմական ծանրագույն հանցագործություններ է իրականացրել Լեռնային Ղարաբաղում, այդ թվում էթնիկ զտումներ և միջազգային ատյաններից Ադրբեջանի դեմ գանգատները հետ վերցնելը ոչ այլ ինչ է, քան պարզ դավաճանություն։
Ի դեպ այդ գանգատների մասով Հայաստանը մեկ տարուց ավելի փորձում էր համոզել, թե չարաբաստիկ Հռոմի ստատուտին միանալու իրենց քայլը կախված է հենց Ադրբեջանին պատասխանատվության ենթարկելու հանգամանքով, այլ ոչ թե ուղղված Ռուսաստանի դեմ։
Գործող վարչախումբը երդվում, պատռում էր իրեն համոզելու թե Հռոմի ստատուտին միանալու հանգամանքը բացառապես պայմանավորված է Ադրբեջանի հանգամանքով։
Փետրվարի 1-ից Հայաստանը միջազգային քրեական դատարանի անդամ է դարձել պաշտոնապես և մինչ օրս ՄՔԴ որևէ հայցադիմում չի ներկայացվել, իսկ գանգատները հետ վերցնելու դեպքում ընդհանրապես որևէ հայց չի ներկայացվի։
Փաստացի կստացվի, որ Հռոմի ստատուտին միանալու հանգամանքը պայմանավորված է բացառապես Ռուսաստանով և Վլադիմիր Պուտինով։ ՄՔԴ-ն, հիշեցնենք, ձերբակալման օրդեր է տվել Ռուսաստանի նախագահի նկատմամբ։
Արմինե Միրզոյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Վաշինգտոնը Եվրոպայից կպահանջի վերադարձնել Ուկրաինային ռազմական օգնության համար տրամադրված գումարները
Արցախի հարցը չսպիացող վերք է. սոցիալական նպաստները չեն կարող փակել պատմական ու իրավական բաց վերքը. «...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
«Ուրարտու» ֆուտբոլային ակումբը դատական գործընթացին ներգրավվում է որպես երրորդ կողմ․ հայտարարություն
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
«ՀայաՔվեն» Արցախի էջը փակված չի համարում. Արեգ Սավգուլյան
Արդարադատություն պատգարակի վրա. երբ պետական ապարատը վերածվում է անհոգի վրեժխնդրության գործիքի. «Փաստ...