Ընդդիմությունը պետք է միավորվի բոլոր ուղղություններով
Oragir.live-ը գրում է.
Հայաստանյան ընդդիմությունը բոլոր հնարավորություններն ունի համախմբվելու և գործող վարչախմբի դեմ պայքար մղելու։ Այդ առումով չափազանց ուշագրավ են ստեղծվող նոր քաղաքական միավորները, որոնց առաջնորդները Հայաստանում հայտնի անձինք են և ունեն բավարար ռեսուրսներ փաշինյանական վարաչախմբի դեմ պայքարելու համար։ Նորաստեղծ «Հայոց համազգային միասնություն» կուսակցությունը, որի նախագահը, ԴԱՀԿ նախկին պետ Միհրան Պողոսյանն է՝ չափազանց խիստ տոնայնությամբ հայտարարություն է տարածել՝ քննադատելով գործող իշխանություններին, Փաշինյանին անվանելով հողատու։ «Ներկայիս վարչախմբի ղեկավարը ևս մեկ անգամ փաստում է, որ նա մեզանից մեկը չէ, - նշում է Միհրան Պողոսյանի կուսակցությունը՝ հավելելով, որ, - Տավուշի մարզում տարածքների զիջումով վերանալու է երրորդ բանակային կորպուսի պաշտպանական գիծը և սա միայն սկիզբն է լինելու ու դժվար չէ հասկանալ Ադրբեջանի հետագա գործողությունների տրամաբանությունը»։
Ըստ կուսակցության՝ գործող վարչախմբի առաջնորդի հաջորդ նվերն Ադրբեջանին լինելու են Գեղարքունիքի մարզի 2 գյուղերը, ինչի արդյունքում թշնամին անմիջական ելք է ունենալու Սևանա լիճ։
Միհրան Պողոսյանը փաստում է, որ այսօր բոլորիս գլխավերևում առկախված արհավիրքը բացահայտ նշանակում է պետականության կորուստ։ Երկրի համար այս օրհասական պահին ընդդիմությունը պետք է միավորվի, մի կողմ դնի բոլոր հակասությունները, մարդիկ, ովքեր կարողություն և հեղինակություն ունեն կարող են իրենց գաղափարական, անձնական նկրտումները թողնել հետագայի համար, իսկ այսօր համախմբման, Հայաստանի Հանրապետությունը ոտքի կանգնեցնելու ժամանակն է և ողջունելի է հենց «Հայոց համազգային միասնություն» կուսակցության և նրա նախագահի նոր ակտիվությունը։
«Փաստ» թերթի տեղեկություններով՝ առաջիկայում նորաստեղծ կուսակցությունը զգալի ակտիվություն է դրսևորելու և կոնկրետ գործողություններ է ձեռնարկելու։ Օրինակը պետք է վարակիչ լինի նաև մյուս քաղաքական ուժերի համար փաշինյանական վարչախմբին Հայաստանից քշելու գործում։
Արման Սիմոնյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Վաշինգտոնը Եվրոպայից կպահանջի վերադարձնել Ուկրաինային ռազմական օգնության համար տրամադրված գումարները
Արցախի հարցը չսպիացող վերք է. սոցիալական նպաստները չեն կարող փակել պատմական ու իրավական բաց վերքը. «...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
«Ուրարտու» ֆուտբոլային ակումբը դատական գործընթացին ներգրավվում է որպես երրորդ կողմ․ հայտարարություն
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
«ՀայաՔվեն» Արցախի էջը փակված չի համարում. Արեգ Սավգուլյան
Արդարադատություն պատգարակի վրա. երբ պետական ապարատը վերածվում է անհոգի վրեժխնդրության գործիքի. «Փաստ...