10 օր առաջ Դիլիթաունում իրենց բանալիները ստացան ևս 70 գնորդ֊գործընկեր. Բակուր Մելքոնյան

Երեկ փողոցում մի կին մոտեցավ ժպտալով, ջերմ բարևեց և ասեց.

- Գիտե՞ք Ձեզ ինչքան շատ եմ սիրում։

Այ մարդ պապանձվեցի, ես գիտեյի մենակ կնիկս ա ինձ սիրում)։ Անակնկալի եկած, շփոթված ձայնով ասեցի.

- Ինչի՞...

Պատասխանեց.

- Դե որովհետև մեզ չխաբեցիք...

Արդեն լարվում էի, չհասկանալով իրենք ովքե՞ր են, ի՞նչ հարցում իրենց չեմ խաբել, վերջիվերջո ինչի՞ չեմ խաբել)))..., բայց լավ է զրուցակիցս շարունակեց ու ես հասկացա, որ մեր Դիլիթաունի գործընկեր֊հաճախորդներից է, ում աղջկան մոտ 10 օր առաջ, Դիլիջանում կազմակերպած հանդիսավոր արարողության ժամանակ հանձնվել է իրենց բնակարան֊հյուրանոցի բանալին, որի տեսքը և որակը եղել է իրենց սպասածից ավելին։ Այ ըտեղ սիրտս տեղը ընկավ, ասում եմ.

- Բա գիտե՞ք ես Ձեզ ինչքան եմ սիրում, որ հավատացիք մեզ, վստահեցիք մեր պրոյեկտին։

Եվ սա ասում եմ շատ անկեղծ և մեծ լրջությամբ ու բոլոր մեր գործընկեր֊հաճախորդներին։

10 օր առաջ Դիլիթաունում իրենց բանալիները ստացան ևս 70 գնորդ֊գործընկեր։ Գերագույն հաճույք էի ստանում տեսնելով մարդկանց երջանիկ և ուրախ դեմքերը, դե էլ իմ երջանիկ դեմքը չնկարագրեմ

Քոմենթներում դնում եմ մի քանի վիդեոներ և նկարներ մեր նոր հյուրանոցային համալիրից։