ՀՀՄ կուսակցությունը երթ կանցկացնի
Հարգելի հայրենակիցներ,
Մեր ունեցած հավաստի տեղեկություններով ապրիլի 5-ին Բրյուսելում կայանալիք Փաշինյան-Բլինքեն-Ֆոն դեր Լայեն հանդիպման ընթացքում քննարկվելու են նաև Հայաստանի մի շարք տարածքների հանձնման հարցը Ադրբեջանին։
Մասնավորապես՝ ստվերային պայմանավորվածություններով թշնամուն են անցնելու Տավուշի մարզի 4 գյուղեր։
Սրա արդյունքում Ադրբեջանին են հանձնվելու նաև Երևան – Թբիլիսի միջպետական մայրուղու հատվածներ՝ Իջևանի և Նոյեմբերյանի շրջանների Կիրանց - Ոսկեպար – Բաղանիս գյուղերով պարփակված հատվածում: Այսպիսով Ադրբեջանը մի քանի տեղից մուտք է ունենալու Երևան – Թբիլիսի միջպետական մայրուղի:
Բացի դա, թշնամու վերահսկողության տակ է անցնելու Վրաստանից Հայաստան մտնող մայրուղային գազատարը, որն անցնում է Ոսկեպարի ճանապարհով։
Սրանով աղետը չի ավարտվում։ Հայաստանի իշխող վարչախմբի ղեկավարը պատրաստվում է Ադրբեջանին զիջել Արարատի մարզի Տիգրանաշեն գյուղը։ Սրա արդյունքում Երևան-Սյունիք-Իրան միջպետական մայրուղու մի հատվածը կանցնի Ադրբեջանի վերահսկողությանը։
Սա էլ դեռ վերջը չէ։ Ինչպես ավելի վաղ տեղեկացրել էինք, Հայաստանի գործող իշխանությունները պատրաստվում են Ադրբեջանին զիջել նաև Գեղարքունիքի մարզի 2 գյուղ։ Խոսքը Կութ և Ազատ համայնքների մասին է։ Արդյունքում՝ թշնամին ուղիղ ելք է ստանում Սևանա լիճ։
Այս ամենից բացի Բրյուսելում Հայասստանի գործող վարչախմբի ղեկավարը քննարկելու է նաև այսպես կոչված «Զանգեզուրի միջանցքի» գործարկման հարցը։ Այս դեպքում Հայաստանը ոչ միայն կորցնում է հարավի հետ կապը՝ Իրան երթուդարձի համար Բաքվից թույլտվություն ունենալու պայմանով, այլև կանգնում ենք Սյունիքը փաստացի կորցնելու իրական սպառնալիքի առաջ։ Ի դեպ, ըստ տեղեկությունների՝ Հայաստանի ներկա իշխանությունները պատրաստվում են բավարարել Ադրբեջանի մեկ այլ տարածքային պահանջ՝ վերջինին զիջելով Սյունիքի մարզի Տեղ գյուղը։
Փաստացի Արցախի հայաթափման սցենարը արագ տեմպերով գործարկվում է Հայաստանի Հանրապետությունում։
Մենք զիջելու ոչինչ չունե՛նք։ Ծնկի իջած ղեկավար մեզ պե՛տք չէ։ Այս արհավիրքը վերջապես պետք է կանգնեցվի։ Հակառակ դեպքում կորցնելու ենք ամեն ինչ ու կորցնելու ենք բոլորս։
Հայոց Համազգային Միասնություն կուսակցությունը կազմակերպում է երթ՝ կոչ անելով դուրս գալ անտարբերության վիճակից ու գիտակցել բոլորիս գլխավերևում առկախված արհավիրքը։
Երթը կմեկնարկի ապրիլի 8-ին՝ ժամը 11։00-ին, Մատենադարանին հարող տարածքից։
Հայոց Համազգային Միասնություն կուսակցություն
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Վաշինգտոնը Եվրոպայից կպահանջի վերադարձնել Ուկրաինային ռազմական օգնության համար տրամադրված գումարները
Արցախի հարցը չսպիացող վերք է. սոցիալական նպաստները չեն կարող փակել պատմական ու իրավական բաց վերքը. «...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
Արդարադատություն պատգարակի վրա. երբ պետական ապարատը վերածվում է անհոգի վրեժխնդրության գործիքի. «Փաստ...
«Ուրարտու» ֆուտբոլային ակումբը դատական գործընթացին ներգրավվում է որպես երրորդ կողմ․ հայտարարություն
«ՀայաՔվեն» Արցախի էջը փակված չի համարում. Արեգ Սավգուլյան