Հոլանդացի գիտնականներն առաջարկել են արևային մարտկոցները ճկվող դարձնել

Նոր հետազոտությունը ցույց է տալիս, որ ուշադրությունը պետք է կենտրոնացնել արևային պանելների ձևի փոփոխության, այլ ոչ թե դրանց արդյունավետության վրա, գրում է overclockers.ru-ն։

Գիտնականները միշտ ուղիներ են փնտրում մեր աշխարհն ավելի լավը դարձնելու համար, և ոլորտներից մեկը, որի վրա նրանք կենտրոնացած են, արևային էներգիան է: Այս ոլորտում գաղափարներից մեկն այն է, որ արևային բջիջներն ավելի արդյունավետ դարձնելու համար պետք է դրանց վրա ավելի շատ արևի լույս կենտրոնացնել:

Վերջերս ուսումնասիրելով այդ հարցը՝ Քավենդիշի լաբորատորիայի և AMOLF-ի (Ամստերդամ, Նիդեռլանդներ) գիտնականների թիմը պարզել է, որ արևային բջիջների արդյունավետության բարձրացումը նման կերպ ավելի դժվար է, քան մենք կարծում ենք, բայց նրանք հայտնաբերել են այլ ուղիներ, որոնցով հնարավոր կլինի բարձրացնել արևային մարտկոցների արդյունավետությունը մոլորակի ցանկացած կետում:

Հետազոտողները հետաքրքրված էին պարզելու, թե արդյո՞ք արևային մարտկոցները, սարքերը, որոնք արևի լույսը վերածում են էլեկտրականության, կարող են կարգավորվել, որպեսզի ավելի լավ աշխատեն աշխարհի տարբեր մասերում, որտեղ արևի լույսի խտությունը կարող է ավելի բարձր լինել: Դա ուսումնասիրելու համար նրանք օգտագործել են մեքենայական ուսուցման մոդելներ և նեյրոնային ցանցեր՝ հասկանալու համար, թե ինչպե՞ս է արևային ճառագայթումն ազդում Երկրի տարբեր վայրերում:

Նրանք այդ տվյալներն ինտեգրել են էլեկտրոնային մոդելի մեջ արևային մարտկոցների հզորությունը հաշվարկելու համար: Տարբեր սցենարներ մոդելավորելով նրանք կարողացել են կանխատեսել, թե որքան էներգիա կարող են արտադրել արևային բջիջներն աշխարհի տարբեր վայրերում:

Այնուամենայնիվ, նրանց արդյունքները, որոնք հրապարակվել են Joule ամսագրում, բացահայտեցին անսպասելի շրջադարձ. «Ապացուցված է, որ արևային մարտկոցների գերարդյունավետ դարձնելը շատ դժվար է: Այսպիսով, ավելի լավ արևային բջիջներ ստեղծելու փորձերի փոխարեն, մենք գտանք այլ ուղիներ ավելի շատ արևային էներգիա գրավելու համար», — ասել է հետազոտության առաջին հեղինակը և Քավենդիշ լաբորատորիայի և Լյուսի Քավենդիշ քոլեջի գիտաշխատող դոկտոր Թոմի Բայկին:

Պատկերացրեք արևային մարտկոցները, որոնք կարող են ծալվել և հավաքվել կամ դառնալ մասամբ թափանցիկ միաձուլվելով շրջապատի մեջ և հեշտացնելով դրանք տեղադրելը: Բարձրացնելով այս վահանակների ամրությունն ու բազմակողմանիությունը՝ դրանք կարող են ինտեգրվել տարածքների լայն շրջանակի մեջ՝ ապահովելով երկարակեցություն և արդյունավետություն:

«Մենք առաջարկում ենք այլ ծրագիր, որը թույլ կտա արևային մարտկոցներին լավ աշխատել աշխարհի շատ վայրերում, — ասել է Բայկին,- գաղափարը դրանք ճկուն, մի քիչ թափանցիկ/կիսաթափանցիկ և ծալովի դարձնելն է: Այդ կերպ վահանակները կարող են տեղադրվել տարբեր վայրերում»:

Բացի այդ, հետազոտողները պաշտպանում են արևային էներգիա հավաքող այնպիսի սարքերի օգտագործումը, որոնց տեղադրումն օպտիմալացված է և առավելագույնի է հասցված արևի լույսի կլանումը: Այս մոտեցումը կարող է պոտենցիալ բարելավել արևային բջիջների կառուցվածքը դրանք ավելի արդյունավետ դարձնելով արևային էներգիան օգտագործելու համար:

«Այս գիտակցումով մենք այժմ կարող ենք կենտրոնանալ տարբեր այլ բաների վրա, այլ ոչ թե պարզապես կատարելագործել արևային մարտկոցները: Ապագայում մենք պատրաստվում ենք ուսումնասիրել արեգակնային էներգիայի ստացման ուղիները, որոնք ներառում են թեսսելացիա: Սա նման է այնպիսի գլուխկոտրուկի, որը լուծելով կարելի է ավելի շատ արևային էներգիա գրավել»,- եզրափակել է Բայկին:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]