Հերթական հակառուսական քայլն Արարատ Միրզոյանի կողմից
Արտգործնախարար Արարատ Միրզոյանն ապրիլի 12-ին Մինսկում կայանալիք ԱՊՀ երկրների արտգործնախարարների խորհրդի նիստին չի մասնակցելու։
ԱԳՆ-ի մամուլի քարտուղարը մի քանի լրատվամիջոցների հարցմանն ի պատասխան` տեղեկությունը հաստատել է։
Առաջին դեպքը չէ, երբ Հայաստանի իշխանությունները հրաժարվում են մասնակցել ԱՊՀ-ի կամ ՀԱՊԿ-ի միջոցառումներին։
Անցած ողջ տարվա ընթացքում էլ Հայաստանի իշխանությունները չեն մասնակցել ՀԱՊԿ գագաթնաժողովներին, իսկ նոյեմբերին` Փաշինյանն ու իր կառավարության անդամներն ամբողջ կազմով մերժել էին ՀԱՊԿ գագաթնաժողովը։
Միայն տարեվերջին Փաշինյանը ներկայացել և մասնակցել էր ԱՊՀ ոչ պաշտոնական գագաթնաժողովին, այն էլ այն պատճառով, որ հաջորդ օրը տեղի էր ունենալու ԵԱՏՄ գագաթնաժողովը և Հայաստանը նախագահում էր այդ կառույցում։
Այժմ, հատկապես բրյուսելյան հանդիպումից հետո, այլևս որևէ փոխզիջում հայկական կողմը չի տեսնում և շարունակում է իր հակառուսական քաղաքականությունը։ Միրզոյանի փոխարեն այդ հանդիպմանը կմասնակցի Ադրբեջանի արտգործնախարար Ջեյհուն Բայրամովը. Ադրբեջանը ևս ԱՊՀ անդամ է։
Տեղեկություններ չկային` արդյոք Ռուսաստանը պատրաստվում էր Բայրամով-Միրզոյան հանդիպում կազմակերպել երկկողմ կամ եռակողմ ձևաչափով։
Ըստ էության` Միրզոյանն այս դեմարշով հերթական անգամ փորձել է խուսափել Սերգեյ Լավրովի հետ հանդիպումից, բայց փոխարենը կարող էր անձամբ գնալ և իր մտահոգությունները հայտնել ԱՊՀ-ին, հատկապես ՀԱՊԿ վերջին հայտարարությունից հետո, երբ ռազմաքաղաքական դաշինքը, ըստ Հայաստանի իշխանությունների, հրաժարվել է ճանաչել Հայաստանի ինքնիշխան տարածքը։
Ի վերջո, Հայաստանի գործող իշխանությունները` հարցերը դեմառդեմ ձևաչափով լուծելու, քննարկելու և բարձրացնելու փոխարեն, նախընտրում են պարզապես փախուստը՝ չհասկանալով, որ դրանով ավելի վատ վիճակում են դնում իրենք իրենց։
Տաթև Ավագյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Վաշինգտոնը Եվրոպայից կպահանջի վերադարձնել Ուկրաինային ռազմական օգնության համար տրամադրված գումարները
Արցախի հարցը չսպիացող վերք է. սոցիալական նպաստները չեն կարող փակել պատմական ու իրավական բաց վերքը. «...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
«Ուրարտու» ֆուտբոլային ակումբը դատական գործընթացին ներգրավվում է որպես երրորդ կողմ․ հայտարարություն
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
«ՀայաՔվեն» Արցախի էջը փակված չի համարում. Արեգ Սավգուլյան
Արդարադատություն պատգարակի վրա. երբ պետական ապարատը վերածվում է անհոգի վրեժխնդրության գործիքի. «Փաստ...