Միրզոյանի փոխարեն՝ տեղակալը. ՌԴ-ից փորձում են պոկվել նրբորեն
Արտգործնախարար Արարատ Միրզոյանը չի մասնակցի ապրիլի 12-ին` Մինսկում կայանալիք ԱՊՀ արտաքին գործերի նախարարների խորհրդի նիստին։ Երեկ ողջ օրը, գործող իշխանությունները փորձում էին «խրոխտ տղա» խաղալ՝ հայտարարելով, թե հայկական կողմը չի մասնակցելու այդ հավաքին։
Ի վերջո, Բելառուսի ԱԳՆ-ն «Տասս» գործակալության հետ զրույցում հաստատել էր, որ Հայաստանը կմասնակցի փոխարտգործնախարար Մնացական Սաֆարյանի մակարդակով։
Անցած տարվա հոկտեմբերին էլ Միրզոյանը չէր մասնակցել Բիշկեկում կայացած նիստին՝ իր փոխարեն ուղարկելով Մնացական Սաֆարյանին։
Մի կողմից Հայաստանի իշխանությունները փորձում են ցույց տալ, որ Ռուսաստանի հետ հարաբերություններում պահպանում են իրենց սկզբունքային հակառուսական գիծը, մյուս կողմից` փորձում ավելի ցածր մակարդակի պաշտոնյայի մասնակցությամբ չկտրվել ընդհանուր ինտեգրացիոն պրոցեսներից, նաև հետագայում հնարավորություն ունենալ հայտարարելու, թե որոշ քայլեր թելադրված են եղել Արևմուտքի պարտադրանքով, իսկ իրենք փորձել են հնարավորինս չսրել հարաբերությունները Ռուսաստանի հետ։
Իհարկե, այս մանր ժուլիկությունը որևէ լավ տեղ Հայաստանը չի տանելու, ընդհակառակը, Մոսկվայում հրաշալի հասկանում են Հայաստանի գործող իշխանությունների դրդապատճառները, գիտեն, որ Արևմուտքի պարտադրանքներից անդին, հենց Փաշինյանն է շահագրգռված Ռուսաստանի հետ հարաբերությունները փչացնել այնքան, որքան հնարավոր է, սպասել, թե ինչ է կատարվում Ուկրաինայում` վերջնական որոշում կայացնելու նպատակով, իսկ Ուկրաինայում իրադարձությունները զարգանում են ոչ Նիկոլ Փաշինյանի և նրա արևմտյան հովանավորների կանխատեսած սցենարով։
Ռուսաստանը նորանոր տարածքներ և բնակավայրեր է գրավում, իսկ Ուկրաինան աղեկտուր գումար է մուրում Արևմուտքից՝ նշելով, որ առանց արևմտյան սպառազինության չի կարող հաղթել Ռուսաստանին։
Հասմիկ Գաննոյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Վաշինգտոնը Եվրոպայից կպահանջի վերադարձնել Ուկրաինային ռազմական օգնության համար տրամադրված գումարները
Արցախի հարցը չսպիացող վերք է. սոցիալական նպաստները չեն կարող փակել պատմական ու իրավական բաց վերքը. «...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
«Ուրարտու» ֆուտբոլային ակումբը դատական գործընթացին ներգրավվում է որպես երրորդ կողմ․ հայտարարություն
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
«ՀայաՔվեն» Արցախի էջը փակված չի համարում. Արեգ Սավգուլյան
Արդարադատություն պատգարակի վրա. երբ պետական ապարատը վերածվում է անհոգի վրեժխնդրության գործիքի. «Փաստ...