Դեռևս 2021թ.-ին այդ ժամանակվա պաշտպանության նախարար Արշակ Կարապետյանը խիստ քննադատության էր ենթարկել զինծառայողներին սնունդ մատակարարող ընկերություններին
Վաղ առավոտից համացանցում տարբեր քննարկումներ են, որ չնայած էական բարեփոխումների ու բանակում իրականացվող լայնամասշտաբ ծրագրերի մասին իշխանությունների հնչեցրած կեղծ խոստումներին, այնուամենայնիվ բանակում խնդիրները լուծված չեն, ավելին, որոշ դեպքերում ավելի են խորացել։
Օրինակ՝ ամբողջ օրը համացանցային քննարկման կիզակետում են կադրերը, որտեղ երևում է, որ զինծառայողներին շարունակվում է մատուցվել անորակ սնունդ:
Մի շարք քաղաքական կառույցների ներկայացուցիչներ անգամ ակցիա են իրականացրել այս թեմայով, սակայն այդ քննարկումներին և տարբեր հրապարակումներին պաշտոնական գերատեսչությունից ոչ մեկը դեռևս չի արձագանքել:
Մինչդեռ այս խնդիրները վաղուց պետք է լուծված լինեին. դեռևս 2021թ-ի օգոստոսի 20-ին այդ ժամանակվա պաշտպանության նախարար Արշակ Կարապետյանի գլխավորությամբ հանդիպում էր տեղի ունեցել պաշտպանական գերատեսչության պատվերով սննդի պատրաստման և պահպանման ծառայություններ մատուցող կազմակերպությունների ներկայացուցիչների հետ, որի ընթացքում ԶՈՒ թիկունքի վարչության և ՊՆ ռազմական ոստիկանության պատասխանատուները ներկայացրել էին իրականացված ստուգումների արդյունքում արձանագրված խախտումները, նշել, որ զորամասերում սննդի որակն ու մատուցվող ծառայությունները, առանձին դեպքերում, չեն համապատասխանում կազմակերպությունների հետ կնքված պայմանագրերի պահանջներին։ Կարապետյանը խիստ քննադատության էր ենթարկել զինծառայողներին մատուցվող սննդի պատրաստման և պահպանման ընթացքում խախտումներ թույլ տված կազմակերպություններին և հրահանգել ողջամիտ ժամկետում լիարժեք կերպով վերացնել արձանագրված բոլոր թերությունները։ Արշակ Կարապետյանը ռազմական ոստիկանությանը հրամայել էր ամենօրյա հսկողություն սահմանել ճաշարաններում և սննդի պահեստներում, իսկ խախտումներ թույլ տված ընկերությունների դեմ կիրառել իրավական ողջ գործիքակազմը։
Նկատենք, որ 2021թ-ից ի վեր սննդի մատակարաման որևէ ընկերության հետ ՊՆ-ն պայմանագիր չի խզել և հանրությանն այդ կազմակերպությունների նկատմամբ վարչական տույժ կիրառելու վերաբերյալ որևէ տեղեկություն հայտնի չէ:
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Վաշինգտոնը Եվրոպայից կպահանջի վերադարձնել Ուկրաինային ռազմական օգնության համար տրամադրված գումարները
Արցախի հարցը չսպիացող վերք է. սոցիալական նպաստները չեն կարող փակել պատմական ու իրավական բաց վերքը. «...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
Արդարադատություն պատգարակի վրա. երբ պետական ապարատը վերածվում է անհոգի վրեժխնդրության գործիքի. «Փաստ...
«Ուրարտու» ֆուտբոլային ակումբը դատական գործընթացին ներգրավվում է որպես երրորդ կողմ․ հայտարարություն
«ՀայաՔվեն» Արցախի էջը փակված չի համարում. Արեգ Սավգուլյան