ԵԱՏՄ նիստից կարող են թռչել. Փաշինյանը ոչ հերքում, ոչ հաստատում է
Հայաստանի վարչապետ Նիկոլ Փաշինյանը, երեկ Ազգային ժողովում, լրագրողների հետ զրույցում նշել է, թե Հայաստանը քննարկում է այս տարվա մայիսի 8-ին Եվրասիական տնտեսական միության նիստին մասնակցության հարցը։
«Երբ որոշում լինի, այդ մասին կտեղեկացնենք»,-նշել է Փաշինյանը՝ ոչ հերքելով, ոչ էլ հաստատելով մասնակցության հնարավորությունը։
Նշենք, որ ապրիլի 12-ին կայանալիք ԱՊՀ արտգործնախարարների խորհրդի նիստին Հայաստանը չի մասնակցելու արտգործնախարարի մակարդակով, միայն փոխարտգործնախարարին են ուղարկելու։
ԵԱՏՄ-ի դեպքում իրավիճակը փոքր ինչ այլ է, առավել ևս, որ Հայաստանն ինքը այս տարի նախագահում է ԵԱՏՄ-ում, սակայն Արևմուտքից ստացած հանձնարարականների հանգույն, Փաշինյանը մտադիր է այս կարևորագույն միջոցառումից ևս խուսափել և հրաժարվել մեկնել, ինչն, ի դեպ նշենք, վերջնականապես Ռուսաստանի հետ հարաբերությունները փչացնելու տարբերակ է դիտարկվում։
Ռուսաստանը, գիտակցելով այս զարգացման հնարավորությունը, առնվազն պաշտոնական մակարդակով առայժմ փորձում է չսրել հարաբերությունները։
Երեկ, թե՛ Դմիտրի Պեսկովի, և թե՛ ԱԳՆ մամուլի խոսնակ Մարիա Զախարովայի հայտարարություններում` Հայաստանի իշխանությունների հանդեպ քննադատության որևէ նշույլ չկար, ընդհակառակը, Պեսկովը հայտարարել էր, թե առաջիկայում Պուտինն ու Փաշինյանը քննարկում կունենան և կկարգավորեն բոլոր խնդիրները, իսկ Մարիա Զախարովան էլ հիմնականում մեղադրանքների սլաքներն ուղղել էր Արևմուտքի դեմ։
Առայժմ, Ռուսաստանը Փաշինյանին փշի-փշի անելով` փորձում է հասնել ԵԱՏՄ գագաթնաժողովին նրա մասնակցությանը, սակայն հրաժարվելու դեպքում հնարավոր է արդեն լրջագույն միջոցներ կիրառվեն հենց Նիկոլ Փաշինյանի և Հայաստանի Հանրապետության դեմ։
Տաթևիկ Հակոբյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Վաշինգտոնը Եվրոպայից կպահանջի վերադարձնել Ուկրաինային ռազմական օգնության համար տրամադրված գումարները
Արցախի հարցը չսպիացող վերք է. սոցիալական նպաստները չեն կարող փակել պատմական ու իրավական բաց վերքը. «...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
Արդարադատություն պատգարակի վրա. երբ պետական ապարատը վերածվում է անհոգի վրեժխնդրության գործիքի. «Փաստ...
«Ուրարտու» ֆուտբոլային ակումբը դատական գործընթացին ներգրավվում է որպես երրորդ կողմ․ հայտարարություն
«ՀայաՔվեն» Արցախի էջը փակված չի համարում. Արեգ Սավգուլյան