Ինչո՞ւ է կեղծիք տարածում ու մեկնաբանում ՌԴ ԱԳՆ խոսնակը
Ռուսաստանի ԱԳՆ պաշտոնական ներկայացուցիչ Մարիա Զախարովան երեկ կայացած ճեպազրույցում սենսացիոն հայտարարություն է արել։ Մինչ այդ ադրբեջանական մի շարք լրատվամիջոցներ տեղեկություններ էին տարածել, թե ապրիլի 5-ին Բրյուսելում Հայաստան-ԵՄ-ԱՄՆ հանձնաժողովի շրջանակներում ձեռք են բերվել ռազմական պայմանավորվածություններ, մասնավորապես նշվում էր, թե Հայաստանը պայմանավորվել է ռուսական 102-րդ ռազմաբազան և ռուս սահմանապահներին փոխարինել ԱՄՆ, ԵՄ և ՆԱՏՕ-ի մասնագետներով՝ նրանց նաև ընդգրկելով Հայաստանի սահմանային տարածքներում՝ Ադրբեջանի և Իրանի դեմ աշխատանքների ընդլայնման, ինչպես և Հայաստանի կրիտիկական կարևորության ենթակառուցվածքների էներգահամակարգերի վերակողմնորոշման մեջ։
«Հաշվի առնելով այս ամենը՝ Հայաստանի իշխանություններից ակնկալում ենք հստակ արձագանք այս տեղեկատվության վերաբերյալ»,- նշել էր Ռուսաստանի ԱԳՆ ներկայացուցիչը։
Հայաստանի ԱԳՆ-ից անմիջապես արձագանքել և նշել էին, թե բրյուսելյան հանդիպմանը գաղտնի օրակարգ չի եղել, իսկ ադրբեջանական ԶԼՄ-ներում հրապարակված թուղթը կեղծ է։
ԱԳՆ խոսնակ Անի Բադալյանը հայտարարել է, թե Բրյուսելում քննարկված հարցերի ողջ օրակարգն արտահայտված է հանդիպումից հետո տարածված համատեղ մամուլի հաղորդագրության մեջ։
«Օրակարգից դուրս նշված ցանկացած պնդում կեղծիք է»,- ասել է նա։
Ըստ էության, մի կողմից, Ռուսաստանի ԱԳՆ-ն հարկ է համարում արձագանքել ադրբեջանական լրատվամիջոցներում տարածված կեղծ տեղեկությանը, մյուս կողմից՝ սեփական խաղաղապահներին Լեռնային Ղարաբաղից դուրս բերելուց հետո փորձում է կրկին մեղքը բարդել հայկական կողմի վրա։
Բարեբախտաբար այս անգամ ևս Հաայստանի ԱԳՆ-ն արձագանքել և հերքել է այս կեղծիքը, բայց առաջիկայում ադրբեջանական կողմից նորանոր կեղծիքներ են սպասվում, Ռուսաստանն էլ, հատկապես այդ երկրի արտաքին քաղաքական գերատեսչությունը տուրք է տալիս ադրբեջանական ապատեղեկատվությանը։ Թե ո՞րն է դրա պատճառը, թերևս պարզ է յուրաքանչյուրին։
Ալլա Դանիելյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ