Վարչախումբը Տավուշում անցավ ռեպրեսիաների և բռնությունների
Փաշինյանական վարչախումբը երեկ առաջին անգամ բիրտ ուժ է կիրառել Տավուշի մարզում 4 գյուղերի վերադարձի դեմ բողոքի ակցիաներ իրականացնող և ճանապարհները փակող ցուցարարաների դեմ, ընդհուպ՝ ոստիկանները հրել և քաշքշել են Տավուշի թեմի առաջնորդ Բագրատ արքեպիսկոպոս Գալստանյանին։
Ինչպես ավելի վաղ փաստել էինք՝ վկայակոչելով մեր աղբյուրները, վարչախումբը գիտակցում է, որ բողոքի այս ակցիաները կարող են լրջագույն հետևանքներ ունենալ և ավելի լայն տարածում գտնել, ուստի որոշում են կայացրել ոստիկանական մեթոդներով ճնշել բողոքի գործողությունները, հատկապես Մհեր Գրիգորյանի հետ Տավուշի համայնքապետերի հանդիպումից հետո, երբ պարզ դարձավ, որ փաշինյանական վարչախումբը պարզապես ստում է հանրությանը և սահմանազատման ու սահմանագծման գործընթացն ավելի վատթար պայմաններով է իրականացվում։
Երեկ բողոքի գործողությունները տարածվել են, ցուցարարները փորձել են փակել նաև Բագրատաշեն տանող ճանապարհը և հանդիպել ոստիկանական բռնություններին։ Երկու տասնյակից ավելի մարդու բերման են ենթարկել Նոյեմբերյանի ոստիկանություն։ Հայաստանում հայտնի որևէ իրավապաշտպան այդպես էլ չի դատապարտել Փաշինյանի վարչախմբի գործողությունները։
Միակը «Ֆրիդոմ հաուս» միջազգային իրավապաշտպան կազմակերպությունն է եղել, որը մտահոգություն է հայտնել ոստիկանական բռնությունների կապակցությամբ, իսկ մինչ այդ գործող իշխանությունները նոր ուժեր են տեղափոխում Տավուշի մարզ, մտադիր են մեկ-երկու օրվա ընթացքում ավարտել սահմանազատման ողջ գործընթացը, Ադրբեջանին հանձնել իր պահանջած ռազմավարական դիրքերն ու բարձունքները, հընթացս ծեծ ու ջարդով ցրելով ճանապարհները փակած ցուցարարներին։
ՔՊ մեր աղբյուրի փոխանցմամբ՝ իշխանությունն այս հարցում ունի նույնիսկ Արևմուտքի աջակցությունը. խոստացել են որևէ կերպ չդատապարտել, միայն թե Հայաստանը կատարի Ադրբեջանի ու Թուրքիայի պահանջները։
Աննա Մակարյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ