Միրզոյանը խոստովանում է վարչախմբի անճարակությունը
Հայաստանի գործող իշխանությունները շարունակում են սահմանազատում և սահմանագծում իրականացնել՝ չկարողանալով որևէ երաշխիք տալ հանրությանը, որ այդ գործընթացը կարող է անվտանգություն ապահովել, ընդ որում, իշխանությունների ներկայացուցիչներն այդ մասին խոստովանում են նույնիսկ միջազգային լրատվամիջոցներին տված հարցազրույցներում։
Արտգործնախարար Արարատ Միրզոյանը «Ալ Ջազիրա» համաարաբական հեռուստաալիքին տված հարցազրույցում հայտարարել է, թե հարևանները դեռ դժկամություն են ցուցաբերում Ալմա-Աթայի հռչակագրին հստակ և միանշանակ հղում անելու հարցում։
Ըստ Միրզոյանի՝ Հայաստանի իշխանությունները բազմիցս հղում են արել այս հռչակագրին, բայց Ադրբեջանից նման մղումներ առանձնապես չեն նկատվում։
Այն, որ Ադրբեջանն ընդամենը 2 տարվա ընթացքում մեկ-երկու անգամ է հիշատակել Ալմա-Աթայի հռչակագիրը, այն էլ դժկամությամբ, ակնհայտ է բոլորի համար, բայց Հայաստանի իշխանությունների նման տարօրինակ պահվածքը շատ ավելի անհեթեթ է, երբ որևէ երաշխիք չունենալով իրականացնում են սահմանազատում և սահմանագծում, ընդհուպ մարդկանց տները և կենսական տարածքները նվիրում Ադրբեջանին, հետո էլ զարմանում, որ թշնամին իրենց լուրջ չի վերաբերվում։
Նույնպիսի մի հայտարարություն էլ երեկ Ազգային ժողովի փոխնախագահ Ռուբեն Ռուբինյանն է արել Հանրային հեռուստաընկերության եթերում։
«Չեմ կարող 100% երաշխավորել, որ լավ կլինի, բայց եթե չանենք այն, ինչ անում ենք, ամեն ինչ շատ վատ կլինի»,- հայտարարել է Ռուբինյանը։
Ըստ էության՝ գործող իշխանությունն ինքն է խոստովանում, որ պարզապես կատարում են թուրք-ադրբեջանական տանդեմի պահանջներն անմռունչ, առանց քննարկելու, հուսալով այդ կերպ երկարաձգել սեփական իշխանությունը, հընթացս էլ բռնություններ կիրառելով սեփական ժողովրդի նկատմամբ։
Հայկ Աբգարյան
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Իշխանությունների թիրախում են ակտիվ արցախցիները. «Հրապարակ»