Վարչախումբը սադրում է Ռուսաստանին
Հայաստանի հերթական հակառուսական քայլն արվել է երեկ։ Արտգործնախարար Արարատ Միրզոյանը հեռախոսազրույց է ունեցել Ուկրաինայի արտաքին գործերի նախարար Դմիտրի Կուլեբայի հետ:
Նրանք քննարկել են երկկողմ հարաբերությունների օրակարգին և քաղաքական երկխոսությանն առնչվող հարցեր, անդրադարձել են նաև տարածաշրջանում տիրող իրավիճակին։ Զրույցից հետո Ուկրաինայի արտգործնախարարը գրառում է արել և նշել, թե քննարկվել են Ուկրաինայում և Հարավային Կովկասում անվտանգային իրավիճակի դինամիկան, պայմանավորվել են արտաքին գործերի նախարարությունների միջև քաղաքական խորհրդակցություններ անցկացնել՝ փոխադարձ հետաքրքրություն ներկայացնող հարցերի լայն շրջանակների շուրջ։
Հայաստանի և Ուկրաինայի իշխանությունների նման մտերմիկ զրույցներն իհարկե լրջորեն մտահոգում են Ռուսաստանին, նախկինում էլ Հայաստանն Ուկրաինայի հարցում հակառուսական դիրքորոշումներ է ձևակերպել։ Փաշինյանն էլ տարբեր հարցազրույցներում հայտարարել է, թե Ուկրաինայի դեմ պատերազմում Հայաստանը Ռուսաստանի դաշնակիցը չէ, Աննա Հակոբյանն էլ Կիև էր մեկնել՝ իր հետ հումանիտար օգնություն տանելով։
Եվ այժմ Արարատ Միրզոյանն ու նրա շեֆը կրկին սրում են իրավիճակը։ Պատահական չէ , որ հենց հեռախոսազրույցից հետո կրեմլամերձ «Կոմերսանտ» պարբերականը հոդված հրապարակեց 2022 թվականի հոկտեմբերին Ղրիմի կամուրջի պայթեցման մասին, նշելով, որ ըստ քննիչների տվյալների՝ օգտագործվել է կոշտ հրթիռային վառելիք, որը թաքնված է եղել պոլիէթիլենային փաթեթների մեջ. հատուկ նշվում է, որ բեռը Վրաստանի միջոցով տեղափոխել են Փոթի, ապա՝ Երևան, որտեղ փոխարինել են փաստաթղթերի մի մասը, դրանից հետո էլ այդ պայթուցիկ նյութը տեղափոխվել է Ռուսաստան և պայթեցվել Ղրիմի կամուրջի վրա։
Փաստաթղթերի փոխարինման վերաբերյալ «Կոմերսանտի» այս մեղադրանքը վկայում է այն մասին, որ Ռուսաստանը բավականին լուրջ է տրամադրված և չի բացառվում, որ ընդհուպ քրեական գործեր հարուցվեն՝ մեղադրանքների սլաքն ուղղելով Հայաստանի ուղղությամբ։
Արման Նավասարդյան
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Իշխանությունների թիրախում են ակտիվ արցախցիները. «Հրապարակ»