Եգիպտոսի կառավարությունը հրաժարական է տվել
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Եգիպտոսի կառավարությունը հրաժարական է տվել. երկրի նախագահ Աբդել Ֆաթթահ աս Սիսին վարչապետ Մուստաֆա Մադբուլիին հանձնարարել է ձևավորել նախարարների նոր կաբինետ: «Արմենպրես»-ի փոխանցմամբ՝ այս մասին հաղորդում է նախագահի գրասենյակը։
Ըստ հաղորդագրության՝ հունիսի 3-ին նախագահ աս Սիսին ընդունել է Մադբուլիին, որը նախագահին է փոխանցել կառավարության հրաժարականի դիմումը։
«Նախագահը Մադբուլիին հանձնարարել է նոր կառավարություն ձևավորել բարձր որակավորում ունեցող, իրազեկ և փորձառու անձանց մասնակցությամբ՝ հասնելու բազմաթիվ նպատակների», - նշված է հաղորդագրության մեջ։
Նպատակների շարքում թվարկվում է երկրի ազգային անվտանգությունը՝ հաշվի առնելով տարածաշրջանային և միջազգային մարտահրավերները, Եգիպտոսի քաղաքացիների համար կարևոր ոլորտներին առաջնահերթություն տալը, մասնավորապես՝ առողջապահության և կրթության ոլորտներին, ահաբեկչության դեմ պայքարը և այլն:
Ապրիլի սկզբին աս Սիսին սկսել է Եգիպտոսի նախագահի պաշտոնում իր երրորդ ժամկետը: Մադբուլին վարչապետի պաշտոնը զբաղեցնում է 2018 թվականից։
2023 թ. դեկտեմբերին 69-ամյա աս Սիսին համոզիչ հաղթանակ է տարել նախագահական ընտրություններում՝ հավաքելով ձայների 89,6 %-ը։ Նրա նոր ժամկետը պաշտոնապես սկսվել է ապրիլի 3-ին։ Նա նախագահի պաշտոնում կգտնվի մինչև 2030 թվականը։
Աս Սիսին Եգիպտոսի նախագահ էր ընտրվել 2014 թ․ ընտրություններում հաղթանակ տանելուց հետո, որոնք անցկացվել էին Մուհամեդ Մուրսիի և իսլամիստական «Մուսուլման եղբայրների» պաշտոնանկությունից մեկ տարի անց: 2018 թ. աս Սիսին վերընտրվել էր երկրորդ ժամկետով։ 2019 թ․ ապրիլին Եգիպտոսում անցկացվել է հանրաքվե, որի արդյունքում ընդունված ուղղումներն աս Սիսիին հնարավորություն են տվել առաջադրվել նոր ժամկետի համար, իսկ նախագահական լիազորությունների ժամկետը չորսից դարձրել է վեց տարի։
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ