Բելառուսն օկուպացված Արցախում ագրոքաղաք կկառուցի

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Բելառուսն օկուպացված Արցախի տարածքում կկառուցի ագրոքաղաք. այդ մասին հայտնել է հանրապետության փոխվարչապետ Իգոր Պետրիշենկոն Առևտրատնտեսական համագործակցության բելառուսա-ադրբեջանական միջկառավարական հանձնաժողովի նիստի ժամանակ:

Նա ընդգծել է, որ Բելառուսն իր կոնկրետ ներդրումն է ունենալու «Ղարաբաղի վերածննդի գործում»։

«Մեր հիմնական ծրագրերից մեկը կլինի Աղդամի (Ակնա) տարածաշրջանում ինտեգրված ժամանակակից գյուղատնտեսական քաղաքի ստեղծումը, ներառյալ գյուղատնտեսական արտադրանքի արտադրությունն ու վերամշակումը, ինչպես նաև աշխատողների և նրանց ընտանիքների անդամների բնակարանային և սոցիալական հարմարությունները: Մենք նախատեսում ենք այդ համապարփակ նախագծի հայեցակարգը ներկայացնել պետությունների ղեկավարներին»,- հավելել է Պետրիշենկոն։