«Համահայկական ճակատը» Արշակ Կարապետյանից բացի վարչապետի այլ թեկնածու չի տեսնում, որը կարող է Հայաստանը հանել այս ծանր վիճակից. «Փաստ»
«Փաստ» օրաթերթը գրում է.
«Վարչապետի մեր թեկնածուն ՀՀ պաշտպանության նախկին նախարար Արշակ Կարապետյանն է, ավելին, մենք չենք տեսնում ուրիշ որևէ մեկին, որը Հայաստանը կկարողանա դուրս բերել այս ծանր վիճակից»:
Երեկ նման հայտարարություն է արել «Համահայկական ճակատ» կուսակցության համահիմնադիր Արսեն Վարդանյանը: Կուսակցության համագումարի ժամանակ լրագրողների հետ զրույցում նա, պատասխանելով հարցին, թե իրենց ներկայացուցիչներին գրեթե միշտ կարելի է տեսնել Սրբազան շարժման հավաքներին, նշել է, որ իրենք որևէ շարժման հետ չեն ասոցացվում, բայց աջակցում են հայ ժողովրդի արդար պահանջին: Վարդանյանը նաև նշեց, որ եթե հեռանալ-չհեռանալու հարցը թողնվի Նիկոլ Փաշինյանի կամքին, ապա նա չի հեռանա:
«Փաշինյանին պետք է հեռացնել»,նշեց Վարդանյանը: Կուսակցության անդամ Նաիրա Գևորգյանն էլ նշեց, որ իրենք աջակցելու են յուրաքանչյուր կուսակցության կամ շարժման, որը պատրաստ է իրականացնել իշխանափոխություն: Նշենք, որ կուսակցությունը նոր համագումար էր հրավիրել, քանի որ ապրիլին կայացած հիմնադիր համագումարից հետո արդարադատության նախարարությունը հրաժարվեց գրանցել կուսակցությունը՝ կանոնադրության մեջ ինչ-ինչ թերությունների պատճառաբանությամբ:
Երեկ տեղի ունեցած համագումարում հեռակապով ներկաներին ողջունեց և ելույթ ունեցավ նաև «Համահայկական ճակատ» շարժման առաջնորդ, գեներալ-մայոր Արշակ Կարապետյանը, որից հետո կուսակցության նախագահ ընտրվեց Արսեն Վարդանյանը:
Մանրամասները՝ «Փաստ» օրաթերթի այսօրվա համարում
Հուսով եմ` տիկինը կհերքի Քաջարանի կոմբինատի բեռնափոխադրման մոնոպոլիստը լինելու ասեկոսեն․ Դանիելյան
Փաշինյանի ձեռամբ ադրբեջանցի հատուկ ջոկատայինները գալու են ու «խաղաղ» տեղավորվեն ՀՀ-ում. ադրբեջանագետ
Մահացել է անվանի բժիշկ Արտավազդ Սահակյանը
Ուզել են Արշակ Սրբազանի գրպանը բան գցեն, հիշել են՝ սքեմը գրպան չունի. Հայկ Մամիջանյան
Իշխանությունը քահանա է փնտրում. ինչ է կատարվում Գյումրիում. «Ժողովուրդ»
Արշակ սրբազանին վերաբերող ճեպազրույցում անզգույշ մի արտահայտություն եմ արել․ փաստաբան
Ռուբլին թանկացել է․ փոխարժեքն՝ այսօր
Գերագույն գլխավոր տգետը չգիտի անգամ, որ Հայ Առաքելական Եկեղեցին հիմնադրել են Թադեոս և Բարդուղիմեոս ա...
Ինչո՞ւ «նետերն» ուղղվեցին հենց «կռիվը բաժանողի» վրա. «Փաստ»
Արման Թաթոյանը առաջարկ է ներկայացրել Ալիևին (տեսանյութ)