Փաշինյան-Մարագոս հեռակա «փոխհրաձգություն»
Հայաստանում Եվրամիության պատվիրակության ղեկավար Վասիլիս Մարագոսը կարծիք է հայտնել, որ ԵՄ դիտորդական առաքելությունն արդեն շատ կոնկրետ արդյունքներ է տվել, և նրա ներկայությունը երկրում ցույց է տալիս, թե որքան հեռու է Եվրամիությունը պատրաստ գնալ Հայաստանի պարագայում։
Մասնակցելով «ՀՀ-Արևելյան գործընկերություն-ԵՄ․ մարտահրավերներն ու հնարավորությունները» խորագրով պանելային քննարկմանը և խոսելով Հարավային Կովկասում տիրող անվտանգային իրավիճակի մասին՝ Մարագոսը, ըստ էության, պատասխանել է վարչապետի պաշտոնը զբաղեցնող Նիկոլ Փաշինյանի հայտարարություններին։
Օրերս Փաշինյանը խոսել էր ԵՄ-ին անդամակցելու հարցով հանրաքվե անցկացնելու նախաձեռնության մասին, հայտարարել, թե դրա անհրաժեշտությունը չի տեսնում, քանի որ «գիտի ժողովրդի կարծիքը»։ Նա նաև հայտարարել էր, թե դեռ պետք է պարզել՝ պատրա՞ստ է Եվրամիությունը, ուզո՞ւմ է դա, թե՞ չի ուզում։
«Այդ հարցի պատասխանը ես կարո՞ղ եմ տալ այսօր, ոչ չեմ կարող տալ, որովհետև այսօր ԵՄ-ում էլ տեղի են ունենում գործընթացներ, մենք այդ գործընթացները պետք է գնահատենք։ ԵՄ երկրներում ընտրություններ են տեղի ունենում, որոնց արդյունքներն առնվազն որոշակի հարցեր են առաջացնում»,- նշել էր Նիկոլ Փաշինյանը։
Նիկոլ Փաշինյանի այս հայտարարություններից հետո կարծիք հնչեց, որ գործող վարչախումբը փորձում է կամաց վերադառնալ ՌԴ ուղեծիր, Փաշինյանն էլ հրաժարվում է եվրաինտեգրման իր քաղաքականությունից։ Ակնկալելի էր, որ ԵՄ-ից պատասխան հնչելու է։
«Տեղում մեր ներկայությունը նույնպես շատ կարևոր ներգրավվածություն է ԵՄ-ի և իր անդամ պետությունների կողմից։ Հայաստանում ԵՄ դիտորդական առաքելությունն արդեն շատ կոնկրետ արդյունքներ է տալիս՝ իր պարեկությամբ և ներկայությամբ՝ աջակցելով մարդկանց անվտանգությանը։ Սա նաև շատ կոնկրետ ցույց է տալիս, թե որքան հեռու է Եվրամիությունը պատրաստ գնալ Հայաստանի պարագայում»,- ընդգծել է Մարագոսը՝ հավելելով նաև, որ գործընկերությունը պետք է ձևակերպվի երկու կողմերի փոխգործակցության միջոցով։
Փաստացի, ԵՄ-ն էլ նախազգուշացում է անում Փաշինյանին՝ հասկացնելով, որ ջոկել են նրա խաղը և մտադիր չեն հանդուրժել քաղաքական անսկզբունքայնությունը։ Ի վերջո, Փաշինյանին բացատրում են, որ «-և, -և»-ը չի անցնելու։ Կամ ՌԴ-ի հետ ես, կամ Արևմուտքի։
Նանե Խառատյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ