Տունը, որտեղ ծնվել է Թոմաս Էդիսոնը, այժմ աշխատում է արևային էներգիայով

ԱՄՆ Օհայոյի նահանգի Թոմաս Էդիսոնի տուն թանգարանը վերջերս սկսել է սնուցվել տանիքին տեղադրված արևային մարտկոցների համակարգով: 7,13 կիլովատ հզորությամբ համակարգը եղել է չորս ընկերությունների՝ SolarEdge, Meyer Burger, Unirac և National Renewable Energy Partners-ի համատեղ նվերն այդ թանգարանին, գրում է habr.com-ը:

Թանգարանն ակնկալում է զգալիորեն խնայել ծախսվող էլեկտրաէներգիան։ Թանգարանի խորհրդի անդամ Ռոն Քուլի խոսքով ղեկավարությունը վաղուց էր ցանկանում տեղադրել արևային մարտկոցներ գլխավոր շենքի տանիքին: «Արևային էներգիան ներառելով թանգարանի ձևավորման մեջ մենք ոչ միայն խթանում ենք արևային էներգիայի ոլորտի կայուն զարգացումը, այլ նաև հարստացնում ենք էլեկտրաէներգիայի պատմությունը՝ դրա ստեղծումից մինչև ժամանակակից կիրառություն»,- ասել է նա:

Ռոն Քուլի խոսքով Թոմաս Էդիսոնը ճանաչել և ընդունել է արեգակնային էներգիայի ներուժը։ 1931 թվականին Հենրի Ֆորդի և Հարվի Ֆայրսթոունի հետ զրույցում Էդիսոնն ասել է. «Ես իմ գումարը կներդնեի արևի և արևային էներգիայի մեջ: Ի՜նչ ուժի աղբյուր է դա։ Հուսով եմ, որ մենք ստիպված չենք լինի սպասել մինչև նավթի և ածուխի սպառումը, նախքան այդ խնդրին անդրադառնալը»:

Մինչդեռ 2023 թվականին աշխարհում վերականգնվող էներգիայի հզորության աճը հասել է գրեթե 560 ԳՎտ-ի կամ 64 %-ի 2022 թվականի համեմատ։ Ինչպես հիշեցնում է Էներգետիկայի միջազգային գործակալությունը (IEA), 2023 թվականին ՄԱԿ-ի Կլիմայի փոփոխության կոնֆերանսի ավարտին մասնակից երկրները պայմանավորվել են եռապատկել վերականգնվող էներգիայի աղբյուրների օգտագործումը մինչև 2030 թվականը: Եվ ըստ գործակալության տվյալների արևային էներգիայի զարգացման ներկայիս տեմպերով դա միանգամայն իրատեսական է։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]