ԱՄՆ-ն ձախողել է չինական արևային վահանակների դեմ պայքարը

Միացյալ Նահանգները, չնայած Սպիտակ տան ձեռնարկած կոշտ միջոցառումներին, ձախողել է չինական արևային սարքավորումների դեմ պայքարը։ Չինական ընկերությունները մեկ տարվա ընթացքում ԱՄՆ-ում կարտադրեն տարեկան ավելի քան 20 ԳՎտ հզորության արևային վահանակներ հենց ԱՄՆ տարածքում։ Չինական ընկերությունները շուտով կկարողանան սպասարկել ԱՄՆ շուկայի մոտ կեսը, ինչը տագնապալի զարգացում կլինի նախագահ Ջո Բայդենի կլիմայական օրակարգի համար:

Վաշինգտոնը կոշտ միջոցներով տևական ժամանակ փորձում է կանխել չինական ապրանքների ներմուծումը, որպեսզի ամերիկյան արատդրողների համար արտոնյալ պայմաններ ստեղծի։ Չինաստանն էլ, այլ տարբերակ չգտնելով, որոշել է արտադրող գործարաններ բացել հենց ԱՄՆ տարածքում, տեղում մրցակցել ամերիկյան արտադրողների հետ։

Չինական ընկերությունների կողմից ԱՄՆ-ում արևային էլեկտրակայանների կառուցումն արագորեն արագանում է, ինչը Չինաստանին հնարավորություն է տալիս գերիշխել նորաստեղծ արդյունաբերության մեջ, թեև ամերիկյան արտադրողներին սուբսիդիաներ են տրվում։

Նախագահ Ջո Բայդենի վարչակազմը շահագրգռված է նոր ներդրումներով, որոնք կստեղծեն մաքուր էներգիայի աշխատատեղեր ԱՄՆ-ում, բայց կառավարությունը նաև հուսահատ է կանխելու աշխարհաքաղաքական մրցակից Չինաստանի նկատմամբ չափազանց մեծ կախվածությունը։

Հայաստանն արևային վահանակներ արտադրող մեկ ընկերություն ունի՝ «Սոլարոնը»։

Անահիտ Սարատիկյան