Գործարկվել է աշխարհում ամենամեծ արևային էլեկտրակայանը
Աշխարհի ամենամեծ արևային էլեկտրակայանները գտնվում են Հնդկաստանում և Չինաստանում, գրում է hi-news.ru-ն։ Մինչև վերջերս վարկանիշի վերին գիծը զբաղեցնում էր հնդկական Bhadla էլեկտրակայանը (Bhadla Solar Park), որը զբաղեցնում է 57 քառակուսի կիլոմետր տարածք։ Իդեալական պայմաններում այն արտադրում է 2245 մեգավատտ էլեկտրաէներգիա, ինչը բավարար է մոտ երկու միլիոն բնակչություն ունեցող քաղաքը սնուցելու համար։ 2024 թվականի հունիսին հնդկական կայանը կորցրեց իր կարգավիճակը որպես աշխարհում ամենամեծը, առաջին տեղն այժմ զբաղեցնում է չինական Midong արևային էլեկտրակայանը։ Այն գտնվում է անապատում և բաղկացած է միլիոնավոր արևային մարտկոցներից, որոնք ամեն պահ արևի լույսը վերածում են էլեկտրականության։
Այդ ամենամեծ արևային էլեկտրակայանը կառուցել է չինական China Green Electricity Investment of Tianjin ընկերությունը։ Այն գտնվում է Սինցզյան շրջանում՝ Ուրումչի քաղաքի մոտ։ Հսկայական կայանի կառուցումն արժեցել է 15,45 միլիարդ յուան, որը ներկայիս փոխարժեքով կազմում է մոտավորապես 187 միլիարդ ռուբլի։ Այն զբաղեցնում է 133,5 քառակուսի կիլոմետր տարածք։ Այդ հսկա հողատարածքում տեղադրված են ավելի քան 5 միլիոն արևային մարտկոցներ: Հատկանշական է այն, որ դրանք երկկողմանի են, այսինքն լույս են գրավում երկու կողմից։ Նրանք նաև հագեցած են կրկնակի ապակիով, որը պաշտպանում է մարտկոցները վնասվածքներից:
Արևային մարտկոցներն ամրացված են ավելի քան 1,23 միլիոն հենասյուների վրա: Էլեկտրաէներգիա փոխանցելու համար վահանակներից ձգվել է ավելի քան 208 կիլոմետր երկարությամբ մալուխ, կառուցվել է հինգ ենթակայան։ Սովորաբար արևային էլեկտրակայանների կողմից արտադրվող էներգիան ցածր լարման է, և այդ ենթակայանները բարձրացնում են այդ լարումը մինչև էլեկտրական ցանցի փոխանցման համար հարմար մակարդակ:
Ակնկալվում է, որ Midong արևային էլեկտրակայանը տարեկան կարտադրի մոտավորապես 6,09 միլիարդ կՎտ/ժ էլեկտրաէներգիա: Էներգիայի այս քանակությունը բավական է 9 միլիոն մարդու հարմարավետ կյանք ապահովելու համար։ Օրինակ Պապուա Նոր Գվինեայի կամ Լյուքսեմբուրգի բնակիչները կարող են հեշտությամբ ապրել այդ էներգիայով։ Եթե այս էներգիան օգտագործվեր էլեկտրական մեքենաները լիցքավորելու համար, ապա դա բավական կլիներ 2 միլիոն էլեկտրական մեքենա մեկ տարի աշխատեցնելու համար։
Աշխարհում կան նաև այլ խոշոր արևային կայաններ: Արդեն նշվեց հնդկական Բհադլա էլեկտրակայանը, որը մեծությամբ երկրորդն է աշխարհում։ Խոշորագույն արևային կայանների վարկանիշում երրորդ տեղը զբաղեցնում է հնդկական Pavagada Solar Park-ը։ Այն գտնվում է հնդկական Թումքուր քաղաքի մոտ և զբաղեցնում է 52 քառակուսի կիլոմետր տարածք։ Այն համեմատաբար վերջերս է հայտնվել, կառուցվել է 2019 թվականին: Իդեալական պայմաններում՝ առավելագույն արևի լույսի և առանց ամպերի եղանակային պայմաններում, այն արտադրում է 2050 մՎտ էլեկտրաէներգիա։
Մեկ այլ մեծ արևային պարկ է Մոհամմեդ բեն Ռաշիդ Ալ Մաքթում գտնվող արևային էլեկտրակայանը: Այն գտնվում է Դուբայից 50 կմ հարավ և զբաղեցնում է 77 քառակուսի կիլոմետր տարածք։ Այո, այն իր չափերով ավելի մեծ է, քան հնդկական Բհադլա և Պավագադա էլեկտրակայանները: Բայց այն արտադրում է ավելի քիչ էներգիա՝ իդեալական պայմաններում 2027 ՄՎտ:
Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]
Հուսով եմ` տիկինը կհերքի Քաջարանի կոմբինատի բեռնափոխադրման մոնոպոլիստը լինելու ասեկոսեն․ Դանիելյան
Փաշինյանի ձեռամբ ադրբեջանցի հատուկ ջոկատայինները գալու են ու «խաղաղ» տեղավորվեն ՀՀ-ում. ադրբեջանագետ
Մահացել է անվանի բժիշկ Արտավազդ Սահակյանը
Իշխանությունը քահանա է փնտրում. ինչ է կատարվում Գյումրիում. «Ժողովուրդ»
Ուզել են Արշակ Սրբազանի գրպանը բան գցեն, հիշել են՝ սքեմը գրպան չունի. Հայկ Մամիջանյան
Արշակ սրբազանին վերաբերող ճեպազրույցում անզգույշ մի արտահայտություն եմ արել․ փաստաբան
Ռուբլին թանկացել է․ փոխարժեքն՝ այսօր
Ինչո՞ւ «նետերն» ուղղվեցին հենց «կռիվը բաժանողի» վրա. «Փաստ»
Ուրիշ ո՞ւմ հետ պետք է մենամարտեմ հիմա, եթե ոչ նրա. Ծառուկյանը նոր մրցակից է ընտրել
Արման Թաթոյանը առաջարկ է ներկայացրել Ալիևին (տեսանյութ)