Արսենյանին դեսպան նշանակեցին
Նախագահ Վահագն Խաչատուրյանի երեկվա հրամանագրով՝ Վաղարշակ Հարությունյանը հետ է կանչվել Ռուսաստանում Հայաստանի դեսպանի պաշտոնից։ Նախագահի մեկ այլ հրամանագրով՝ Գուրգեն Արսենյանը նշանակվել է Ռուսաստանում Հայաստանի դեսպան (նստավայրը՝ Մոսկվա)։ Ռուսաստանում դեսպանի փոփոխության մասին լուրեր շրջանառվում են գրեթե մեկ տարի։ Նշվում էր, որ ռուսական կողմը համառորեն չի հաստատում Գուրգեն Արսենյանի ագրեմանը՝ հաշվի առնելով նրա նախկին հակառուսական հայտարարությունները։
Ամիսներ առաջ 1or.am-ը բացառիկ տեղեկություններ հաղորդեց, որ ագրեմանը հաստատվել է, բայց ոչ ՌԴ ԱԳՆ-ի, այլ նախագահական աշխատակազմի կողմից։ Օգոստոսի սկզբին հաղորդվեց, որ Արսենյանը մանդատից հրաժարվելու դիմում է ներկայացրել խորհրդարանին։
Վաղարշակ Հարությունյանը Ռուսաստանում Հայաստանի դեսպանն էր 2022-ի հունվարից։ 44-օրյա պատերազմից հետո նա կարճ ժամանակ զբաղեցրեց պաշտպանության նախարարի պաշտոնը, ապա և նշանակվեց դեսպան։ Հարությունյանը մշտապես հայտնի է եղել իր ռուսամետ կողմնորոշմամբ։ Վերջերս էլ Երևանում, դեսպանահավաքի ընթացքում հասցրել էր վիճել Ուկրաինայում ՀՀ դեսպան Վլադիմիր Կարապետյանի հետ, երբ վերջինս հակառուսական ինչ-որ արտահայտություն էր արել։ Հարությունյանի պաշտոնանկության համար առանցքային պատճառ դարձավ հուլիսի սկզբին ուկրաինական հրետակոծության ենթարկված Բելգորոդ կատարած այցելությունը։ «Այստեղ կարելի է զգալ միայն մեկ զգացում` կարեկցանք, այս վշտի ողջ մասշտաբի ըմբռնում։ Եվ, բնականաբար, ցանկություն է առաջանում, որ այս ամենն արագ ավարտվի»,-ասել էր Հարությունյանը։
Դրանից հետո իշխանության տարբեր օղակներից, նաև արևմտամետ քաղաքական ուժերից պահանջներ էին հնչում Վաղարշակ Հարությունյանին շուտափույթ հեռացնելու վերաբերյալ։ Թե ինչպես է պատրաստվում Գուրգեն Արսենյանը բարելավել հայ-ռուսական հարաբերությունները, դժվար է ասել։ Մեծ հավանականությամբ, նրան նշանակելով դեսպան՝ Փաշինյանը հերթական հակառուսական քայլն է անում՝ արևմտյան հովանավորներին ցույց տալով, որ կատարում է նրանց պահանջները։
Անի Սարգսյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ