Մի հեռախոսազանգի հետքերով. ինչպես են տարբերվում կողմերի խոսքերը
Երեկ տեղի է ունեցել ՀՀ վարչապետ Նիկոլ Փաշինյանի հեռախոսազրույցը ՌԴ նախագահ Վլադիմիր Պուտինի հետ։ Հայաստանի վարչապետի աշխատակազմի փոխանցմամբ, ՌԴ նախագահը ՀՀ վարչապետին տեղեկացրել է նախորդ շաբաթ Ադրբեջան կատարած իր այցի տպավորությունների մասին, ինչի համար վարչապետ Փաշինյանը շնորհակալություն է հայտնել նախագահ Պուտինին։ Զրուցակիցները պայմանավորվել են առաջիկա պատեհ առիթով հանդիպել Հայաստան-Ռուսաստան երկկողմ օրակարգի հարցեր քննարկելու համար։
Պաշտոնական Կրեմլի տարածած տեքստում զգալի տարբերություններ կան։ «Քննարկումները շարունակվել են հայ-ադրբեջանական հարաբերությունների կարգավորման շուրջ, այդ թվում՝ հաշվի առնելով Վլադիմիր Պուտինի բանակցություններն Ադրբեջանի նախագահ Իլհամ Ալիևի հետ Բաքու կատարած այցի ընթացքում։ Հաստատվել է ռուսական կողմի պատրաստակամությունը՝ շարունակելու օժանդակել Հայաստանին և Ադրբեջանին խաղաղության պայմանագրի մշակման, սահմանազատման ու սահմանագծման գործընթացի առաջ մղման, ինչպես նաև տրանսպորտային և լոգիստիկ կապերի ապաշրջափակման հարցերում։ Երկկողմ օրակարգի շուրջ մտքերի փոխանակության ընթացքում ընդգծվել է առևտրատնտեսական փոխգործակցության դրական դինամիկան»,- ասվում է Մոսկվայի հաղորդագրության մեջ։
Ռուսաստանի նախագահն օրերս էր այցելել Բաքու, հանդիպում ունեցել Իլհամ Ալիևի հետ, ասել, թե բանակցությունների մասին կտեղեկացնի Նիոկլ Փաշինյանին։ Բաքվից հետո Ռուսաստանը նաև ակտիվացրել է 2020 թ. նոյեմբերի 9-ի եռակողմ հայտարարության պահանջը, այն է՝ տարածաշրջանային հաղորդակցության վերահսկողությունը պետք է իրականացնեին ՌԴ ԱԴԾ սահմանապահները։
Պաշտոնական Երևանը հրաժարվել է այդ կետը կատարելուց։ Բնական է, որ ՌԴ նախագահը նաև այդ, ինչպես և հայ-ադրբեջանական բանակցությունների միջնորդությանը վերաբերող հարցեր է առաջ քաշել։ Երևանի հաղորդագրությունը վկայում է, որ Նիկոլ Փաշինյանը կրկին հրաժարվել է Մոսկվայի միջնորդությունից։
Շուշան Համբարձումյան
ՔՊ-ականներն ահաբեկում են անգամ անչափահասներին. «Հրապարակ»
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հրապարակ». Հավաքին մասնակցելու համար ազատել են պաշտոնից
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»