ԱՄՆ-ը պատժամիջոցներ է կիրառել RT-ի և Մարգարիտա Սիմոնյանի նկատմամբ
Չորեքշաբթի ԱՄՆ ֆինանսների նախարարությունը հայտարարել է RT հեռուստաալիքը և գլխավոր խմբագիր Մարգարիտա Սիմոնյանին պատժամիջոցների ցանկում ներառելու որոշման մասին։ Հայտարարության մեջ նշվել է, որ ընդհանուր առմամբ պատժամիջոցներ են սահմանվում 10 ֆիզիկական ու երկու իրավաբանական անձանց նկատմամբ, և դրանք կիրառվելու են ի պատասխան «2024 թվականին ԱՄՆ նախագահի ընտրության վրա ազդելու Մոսկվայի փորձերի»։
Գերատեսչությունը պարզաբանել է, որ նախատեսում են պատժամիջոցների ցանկում հայտնված անձանց՝ ԱՄՆ-ում ունեցած գույքի կամ Միացյալ Նահանգների քաղաքացիների հսկողության տակ գտնվող գույքի արգելափակում։ Բացի դրանից՝ արգելված են նրանց հետ բոլոր ֆինանսական գործարքները Միացյալ Նահանգներում կամ ԱՄՆ-ի տարածքի միջոցով:
Russia Today մեդիա խմբի նկատմամբ ընդունված սահմանափակումները վերաբերում են նաև նրա հինգ դուստր ձեռնարկությանը։ Բացի RT-ից, դրանց թվում են РИА Новости-ն, ТВ-Новости-ն, Ruptly-ն և Sputnik-ը: ԱՄՆ ֆինանսների նախարարությունը պատժամիջոցներ է սահմանել նաև Dialog ոչ առևտրային կազմակերպության և դրա առաջնորդ Վլադիմիր Տաբակի նկատմամբ՝ Ուկրաինայի պատերազմի մասին կեղծ տեղեկություններ տարածելու լայնածավալ արշավների համար։
Ըստ ԱՄՆ ֆինանսների նախարարության տվյալների՝ ռուսական պետական կառույցները արհեստական բանականության տեխնոլոգիաներն ու ապատեղեկատվությունն օգտագործում են՝ «խաթարելու ԱՄՆ-ում ընտրական գործընթացների նկատմամբ վստահությունն և ազդելու դրանց արդյունքների վրա»։
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
«Հրապարակ»․ Անդրանիկ Քոչարյանը չի ուզում Ալեն Սիմոնյանի վիճակում հայտնվել
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Իրավապահները «Վերածնունդ» հուշահամալիրից գերեզմանոց տանող ճանապարհին ձերբակալել են թմրանյութ տեղադրո...
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
«Գազպրոմ Արմենիա»-ն հայտարարություն է տարածել
«Իրավունք». Նարեկ Կարապետյանի հայտարարությունից հետո թիմում մեծ մասը հրաժարվում է մանդատներից
«Ժողովուրդ». Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել
ԱՄՆ-ը hարվածել է Իրանը Ռուսաստանի և Չինաստանի հետ կապող կամրջին. Fars
Իրանի ԱԳՆ-ում հայտարարել են Իրանի վրա ԱՄՆ հարձակումների համար բազաներ տրամադրելու պատասխանատվության ...