Նոր ական պետության հիմքերի տակ. դեպի Նախիջևան ճանապարհի վերահսկողությունը կարող են տալ մասնավորին
Հայաստանի ԱԳՆ-ն հաստատում է տարածված տեղեկությունները, որ քննարկվում է դեպի Նախիջևան ճանապարհի վերահսկողությունը մասնավորին հանձնելու հարցը։ Փոխարտգործնախարար Մնացական Սաֆարյանը լրագրողների հետ զրույցում հավաստիացրել է՝ ճանապարհի վերահսկողությունը մասնավոր ընկերությանն արտապատվիրակելով Հայաստանի ինքնիշխանության սկզբունքը չի խախտվում, իսկ միջազգային մասնավոր ընկերությունը կարող է ուղղակի սպասարկել:
ՀՀ ԱԳՆ-ն նախօրեին հրաժարվել էր մանրամասներ հայտնել հնարավոր գործարքից, իսկ երեկ արդեն պնդում են, թե հայ սահմանապահները և մաքսավորներն այդ ճանապարհին աշխատանք իրականացնելու են։ Ավելին, Փաշինյանի իշխանությունը մասնավոր ընկերության ներգրավումն էլ դիտարկում է իր չարաբաստիկ «Խաղաղության խաչմերուկի» ծիրում։ Իշխանություններն այսկերպ հերթական ականն են դնում ՀՀ պետականության հիմքերի տակ։ Մասնավոր ընկերությունը որևէ պատասխանատվություն չի կրելու իր քայլերի համար, իսկ Ադրբեջանի ռեսուրսները կարող են կանխակալության պատճառ դառնալ, օրինակ, կլորիկ կաշառքի դիմաց ճանապարհների սպասարկումն իրականացվի ոչ հօգուտ Հայաստանի։
Նման քայլով Հայաստանի իշխանությունները փորձում են խուսափել նոյեմբերի 9-ի եռակողմ հայտարարության 9-րդ կետի պահանջը կատարելու պարտավորությունից։ Ինքը՝ Փաշինյանը բազմիցս հայտարարել է, թե հայտարարության մյուս կետերը խախտվել են, հրաժարվում է կատարել 9-րդ կետը։ Բայց դա անելու մեկ տարբերակ կա՝ հետ կանչել ՀՀ ստորագրությունը, ինչից գործող իշխանությունները համառորեն հրաժարվում են։
Անուշ Մարգարյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ